ტოლერანტობის დღე ბათუმში

 
 
  ბათუმის ახალგაზრდული ცენტრის წევრებმა გუშინ ბათუმში ტოლერანტობის საერთაშორისო დღე აღნიშნეს. ცენტრის წევრების ორგანიზებით გაიმართა საინფორმაციო აქცია და მსვლელობა ღია მატარებლით, რომელიც ქალაქ ბათუმის მერიის დაქვემდებარებაში არსებულმა ბათუმის ავტოტსრანსპორტმა აღნიშნული აქტივობის ჩასატარებლად გამოყო. მსვლელობის დროს ბავშვებს საჩუქრად გადაეცათ ბურთები ტოლერანტობის არსისა და მნიშვნელობის შესახებ წარწერებით.  
 
 
აქტივობა ჩატარდა პროექტის ფარგლებში “ეროვნული ინტეგრაციის გაძლიერება საქართველოში” (ANI), რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით.
 
 
ნეტგაზეთის მასალების სხვა გამოცემებში გადაბეჭდვის წესი

"ბათუმელები"