ბათუმის ბოტანიკური ბაღი, ბაღების და საბაღო ხელოვნების საერთაშორისო გამოფენაზე „EXPO 2016 ANTALYA“ საერთაშორისო გამოფენაში მონაწილეობს. ბოტანიკური ბაღის ადმინისტრაციის ინფორმაციით, მსგავს გამოფენაში საქართველო პირველად იღებს მონაწილეობას.
ბაღების საერთაშორისო გამოფენა „EXPO 2016 ANTALYA” თურქეთის რესპუბლიკაში ოფიციალურად 23 აპრილს გაიხსნა და 30 ოქტომბრამდე გაგრძელდება.
„გამოფენაში მონაწილეთა რიცხვი სხვადასხვა ქვეყნიდან უპრეცენდენტოდ მაღალია.
გამოფენაში მონაწილეობს თურქეთის სხვადასხვა რეგიონი, ასევე, კანადა, ჩინეთი, კორეა, იაპონია, აზერბაიჯანი, ავსტრია, ჰოლანდია და ა.შ“- ნათქვამია ბოტანიკური ბაღის ადმინისტრაციის განცხადებაში.
