მახინჯაურში ლოდებით დატვირთული მანქანა გადატრიალდა

მახინჯაურში დღეს, 18 ოქტომბერს, ლოდებით დატვირთული სატვირთო ავტომანქანა გადატრიალდა. შემთხვევის შესახებ ინფორმაცია „ბათუმელებს“ თვითმხილველმა მოაწოდა.

ბათუმის სასწრაფო სამედიცინო დახმარების სამსახურის ინფორმაციით, შემთხვევის შედეგად არავინ დაშავებულა და ადგილზე მისულ ბრიგადას დახმარება არავისთვის გაუწევია. ამ სამსახურის ინფორმაციით, ადგილზე სახანძრო სამსახურიც მუშაობდა, რადგან გადაბრუნებული ავტომანქანიდან საწვავი იღვრებოდა.

შინაგან საქმეთა სამინისტროს ინფორმაციით, ავტოსაგზაო შემთხვევაზე სამართალდამცველებმა ადმინისტრაციული სამართალდარღვევის ოქმი გააფორმეს.

 
ნეტგაზეთის მასალების სხვა გამოცემებში გადაბეჭდვის წესი


ავტორი