ვაშლოვანში მეხანძრეებმა საცხოვრებელი სახლები დაწვას გადაარჩინეს

ხულოს მუნიციპალიტეტის ინფორმაციით, სოფელ ვაშლოვანში დღეს, 29 აგვისტოს, თეიმურაზ მელაძის პირუტყვის სადგომსა და სათივე ნაგებობას ცეცხლი გაუჩნდა. შეტყობინების მიღებისთანავე, შემთხვევის ადგილისკენ გაემართა ხულოს სახანძრო-სამაშველო ბრიგადა.

„აღნიშნული ნაგებობები მთლიანად დაიწვა, თუმცა სახანძრო-სამაშველო სამსახურის დროული ჩართვით გადარჩა თეიმურაზ მელაძისა და ახლო მდებარე სხვა საცხოვრებელი სახლები. ხანძრის შედეგად არავინ დაშავებულა. ამ დროისათვის, ხანძარი ლიკვიდირებულია.“ – აღნიშნულია მუნიციპალიტეტის მირ გავრცელებულ ინფორმაციაში.

ხანძარი ვაშლოვანში / ხულოს მუნიციპალიტეტის ფოტოები

 

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com