ბათუმში, ბარათაშვილის ქუჩაზე, ოცდაათ წლამდე ასაკის ქალს ავტომანქანა დაეჯახა. ბათუმის სასწრაფო სამედიცინო სამსახურის ინფორმაციით, ქალი მსუბუქად დაშავდა.
ის ბათუმის რეფერალურ საავადმყოფოშია გადაყვანილი.
შს სამინისტროს ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
