შსს: ზურა აბაშიძის მიმართ დისკრიმინაციის მოტივით განხორციელებული ძალადობის ფაქტი გახსნილია

შს სამინისტროს ინფორმაციით, შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა ზურაბ აბაშიძის მიმართ დისკრიმინაციის ნიშნით ჩადენილ ძალადობის ფაქტზე 1998 წელს დაბადებული გ.ქ. გამოავლინეს.

შსს-ს ცნობით, გამოძიებამ დაადგინა, რომ გ.ქ.-მ მიმდინარე წლის 22 ივნისს თბილისში, 26 მაისის მოედნის მიმდებარე ტერიტორიაზე, 1995 წელს დაბადებულ ზურაბ აბაშიძეს, დისკრიმინაციის ნიშნით, სიტყვიერი და ფიზიკური შეურაცხყოფა მიაყენა და შემთხვევის ადგილიდან მიიმალა.

გ.ქ.-ს ბრალი 126-ე მუხლით წარედგინა.

შს სამინისტროს ინფორმაციით, გამოძიება დისკრიმინაციის ნიშნით ძალადობის ფაქტზე საქართველოს სისხლის სამართლის კოდექსის 126-ე მუხლით მიმდინარეობს.

ამავე თემაზე: 

მწერალ ზურა აბაშიძეზე თავდასხმის საქმეზე შსს-მ გამოძიება დაიწყო

 

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.