გარყვნილი ქმედებისთვის 63 წლის კაცს 5 წლით თავისუფლების აღკვეთა მიუსაჯეს

63 წლის კაცს რ.დ.-ს 5 წლით თავისუფლების აღკვეთა მიუსაჯა მოსამართლე გიორგი გრატიაშვილმა. ის 8 წლის გოგოსთან გარყვნილი ქმედების ჩადენისთვის გაასამართლეს. სასამართლო პროცესი დახურული იყო, რადგან დაზარალებული არასრულწლოვანია.

სასამართლოს გადაწყვეტილებით, მსჯავრდებული სასჯელის ნაწილს – სამ წელსა და 4 თვეს ციხეში გაატარებს, წელიწადი და რვა თვის განმავლობაში კი, პირობითი მსჯავრის ქვეშ იქნება.

მსჯავრდებულის ადვოკატი, სოლომონ კოჩალიძე ამბობს, რომ ბათუმის საქალაქო სასამართლოს გადაწყვეტილებას ზემდგომ ინსტანციაში გაასაჩივრებს. რ.დ. ბრალს აღიარებდა, თუმცა მან საპროცესო შეთანხმება პროკურატურასთან ვერ მოახერხა.

ნეტგაზეთის მასალების სხვა გამოცემებში გადაბეჭდვის წესი


ავტორი