ცვლილება ბათუმის მუნიციპალური ტრანსპორტის მოძრაობის სქემაში

ბათუმის პორტთან, ბაქოს ქუჩაზე, ესტაკადის მშენებლობის გამო, ავტოტრანსპორტის შეცვლილი მოძრაობის სქემის მიხედვით, ხვალიდან, 20 თებერვლიდან, #12 და #16 მუნიციპალური ავტობუსების ბოლო გაჩერება თბილისის მოედანი იქნება.

ბათუმის მერიის ინფორმაციით:

  • ახალი სქემით მიხედვით, ბონი-გოროდოკის, თამარის დასახლებისა და მახინჯაურის მიმართულებით მოძრავი მუნიციპალური ტრანსპორტი შავშეთის, მაიაკოვსკისა და გოგოლის ქუჩების გავლით გადაადგილდება.
  • ქალაქის ცენტრისკენ მუნიციპალური ტრანსპორტი კი, თამარ მეფის გამზირისა და ბაქოს ქუჩის გავლით იმოძრავებს.

ახალი სქემით მოძრაობა ცალმხრივია გოგოლის ქუჩაზე, მაიაკოვსკიდან ნონეშვილის ქუჩის მიმართულებით.

მერიის განცხადებით, შეზღუდვები ესტაკადის მშენებლობის დასრულებისთანავე მოიხსნება. დღეს არსებული გეგმის მიხედვით კი, ესტაკადა 2018 წლის 20 სექტემბრამდე უნდა აშენდეს.

ამავე თემაზე:

ბათუმში ავტოტრანსპორტის მოძრაობის ახალი სქემა

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com