ქედაში, სოფელ პირველ მაისთან, ავტომაგისტრალზე მეწყერი ჩამოწვა

ბათუმი-ახალციხის ცენტრალური საავტომობილო გზის, ქედის მონაკვეთზე, სოფელ პირველ მაისთან მეწყერი ჩამოწვა. მთიდან ჩამოსულმა მიწის მასამ რამდენიმე წუთით საავტომობილო გზა ჩაკეტა. ქედის გამგეობის ინფორმაციით ამ დროისთვის საავტომობილო მიმოსვლა აღდგენილია.

სოფელ პირველ მაისთან მეწყრული პროცესები უხვი ნალექის დროს ვითარდება, ხშირია გზის ჩაკეტვის შემთხვევებიც. მეწყერმა გასულ წელს ამ მონაკვეთზე სპეციალურად მოწყობილი ბეტონის კედლის ნაწილიც კი ჩამოშალა.

მთავარი ფოტო: მეწყერსაწინააღმდეგო სამუშაოები ქედაში / ფოტო „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი