Batumelebi | რატომ უნდა აირჩიოთ კლინიკა ინ ვიტრო რატომ უნდა აირჩიოთ კლინიკა ინ ვიტრო – Batumelebi
RU | GE  

რატომ უნდა აირჩიოთ კლინიკა ინ ვიტრო

 

17 სამუშაო წელი და 5000-მდე ახალშობილი – ეს კლინიკა “ინ ვიტროს” გამოცდილებაა. “ინ ვიტრო”, როგორც დამოუკიდებელი კლინიკა, 2010 წელს გაიხსნა, თუმცა საქმიანობა მათ გაცილებით უფრო ადრე – 1997 წელს, ჟორდანიას ინსტიტუტში დაიწყეს და საქართველოში პირველი “სინჯარის ბავშვის” დაბადებაც სწორედ მათი გუნდის დამსახურებაა. “ინ ვიტროს” ფილიალი 2015 წლის მარტიდან უკვე ბათუმშიც ამოქმედდა, სადაც ყველა ის ძირითადი მიმართულება არსებობს, რაც თბილისის IVF კლინიკაში აქვთ. “ინ ვიტროს” სერვისების შესახებ კლინიკის ერთ-ერთი დამფუძნებელი და დირექტორი, მეან-გინეკოლოგი, რეპროდუქტოლოგი ნატალია ხონელიძე გვესაუბრა.

 

 

ქალბატონო ნატალია, რა სამედიცინო სერვისებს სთავაზობთ ბათუმელ წყვილებს?

 

 ვთავაზობთ როგორც დიაგნოსტიკას, ისე მკურნალობას. განსაკუთრებით აღსანიშნავია იმუნოფერმენტული ანუ ლაბორატორიული კვლევები, რომელთა სიზუსტეს შედეგის მიღწევისთვის უდიდესი მნიშვნელობა აქვს. ჩვენს კლინიკაში ულტრაბგერითი კვლევის აპარატით – Voluson  – 3D და 4D განზომილებით წარმოებს როგორც საშვილოსნოს და საკვერცხეების მდგომარეობის შეფასება, ისე ორსულობის I, II და III ტრიმესტრის მონიტორინგი განსაკუთრებული სიზუსტით.

 

თუ პაციენტს საკვერცხეში აღენიშნება ცისტები (კისტა), რომლებიც 1-3 თვის განმავლობაში მედიკამენტების დახმარებით ვერ გაიწოვა, ჩვენ ვთავაზობთ ცისტების ტრანსვაგინალურ, ოპერაციის გარეშე ასპირაციას (ამოსრუტვას).

 

ასევე, ჩვენს კლინიკაში მილების გამავლობის შეფასება, ულტრაბგერითი აპარატის (სონოჰისტეროსალპინგოგრაფიის) საშუალებით წარმოებს. ეს მეთოდი ასევე გვეხმარება საშვილოსნოს შიდა წარმონაქმნების დიაგნოსტირებაში.

მაღალ დონეზე განისაზღვრება ასევე სპერმის რაოდენობა, მოძრაობის უნარი და მორფოლოგიური მახასიათებლები.

ცალკე აღსანიშნავია გარდატეხის ასაკის პრობლემების მოგვარება – იქნება ეს მენსტრუალური ციკლის დარღვევა, თმიანობა, აკნე თუ სხვა, რაც მომავალში შვილოსნობის სერიოზულ პრობლემებს ქმნის. საქართველოში ამ დარგის სპეციალისტების ნაკლებობაა. ამ მიმართულებით ჩვენს კლინიკაში პერიოდულად კონსულტაციებს აწარმოებს კვალიფიციური სპეციალისტი, – ბავშვთა გინეკოლოგ-ენდოკრინოლოგი.

რა მეთოდებით მკურნალობთ უნაყოფობას ქალებსა და მამაკაცებში და რამდენად ეფექტურია ეს მეთოდები?

 

 ჯანმო-ს მონაცემებით, უშვილობის 45% მოდის ქალის უნაყოფობაზე, 45% – მამაკაცის უნაყოფობაზე, ხოლო 10%-ში მოიაზრება უცნობი გენეზის – იდიოპათიური უშვილობა. ჩვენი კლინიკის ძირითადი მიმართულება უნაყოფობის მკურნალობაა, რაც პრობლემურია არა მარტო საქართველოში, არამედ მთელ მსოფლიოში.

 

უნაყოფობაზე დიდ გავლენას ახდენს როგორც სოციალური, ასევე გარე ფაქტორები, განსაკუთრებით არაჯანსაღი ცხოვრების წესი. ასევე, უშუალოდ მოქმედებს შვილოსნობის უნარზე სასქესო ორგანოების ანთება, ამიტომ მათი გამომწვევი მიზეზების დროული დიაგნოსტირება-მკურნალობა მნიშვნელოვანია საწყის ეტაპზევე.

ჩვენ ვცდილობთ ორსულობა მიღებულ იქნას ბუნებრივი გზით. იმ შემთხვევაში, თუ ორსულობის მიღწევა კონსერვატიული ან ქირურგიული მეთოდითაც შეუძლებელია, შემდგომ ეტაპზე წყვილს ვთავაზობთ ხელოვნური განაყოფიერების მეთოდებს: ხელოვნურ ინსემინაციასა და ინ ვიტრო განაყოფიერებას.

 

ხელოვნური ინსემინაცია – სქესობრივი კავშირის იმიტირებული პროცესია და ის იმუნოლოგიური ფაქტორი, რაც შეიძლება წარმოიშვას ბუნებრივი გზით სპერმატოზოიდების საშვილოსნოს ყელში შესვლის დროს, აღმოიფხვრება, ვინაიდან დამუშავებული და გააქტიურებული სპერმა უშუალოდ საშვილოსნოს ღრუში შედის.

 

რაც შეეხება ინ ვიტრო განაყოფიერებას – იგი უშვილობის მკურნალობის ყველაზე წარმატებული მეთოდია მსოფლიოში. თუ თავდაპირველად ინ ვიტრო განაყოფიერება მხოლოდ იმ ქალებს უტარდებოდათ, რომელთაც არ ჰქონდათ ფალოპიუსის მილები, დღესდღეობით ეს მეთოდი წარმატებულია რეპროდუქციული სისტემის ისეთი პათოლოგიების დროს, როგორიცაა: ენდომეტრიოზი, პოლიკისტოზური საკვერცხეების სინდრომი, იმუნოლოგიური უშვილობა, მამაკაცის ფაქტორით გამოწვეული უნაყოფობა და ა.შ. ჩვენი კლინიკის დახმარებით 54 წლის ქალბატონი გახდა დედა.

 

 რა დრო სჭირდება მკურნალობას?

 

 მკურნალობის ხანგრძლივობა ყველა პაციენტისთვის ინდივიდუალურია – დამოკიდებულია უშვილობის გამომწვევ მიზეზებზე. განსხვავებულია გამოკვლევების ჩატარების დროც. ზოგ შემთხვევაში საკმარისია მხოლოდ სტანდარტული კვლევების ჩატარება, ზოგჯერ საჭირო ხდება დამატებით ქირურგიული ჩარევა, ისეთი, როგორიცაა: ლაპარასკოპია, ჰისტეროსკოპია და ა.შ. უშუალოდ ინ ვიტრო განაყოფიერების პროცესი 2-3 კვირას გრძელდება.

 

 საშუალოდ რა ღირს თქვენს კლინიკაში მკურნალობა?

 

ყველა პროგრამა სხვადასხვა ღირებულებისაა. გადახდის საკმაოდ მოქნილი სისტემა გვაქვს.

 

 რა არის თქვენი კლინიკის უპირატესობა ბაზარზე?

 

კლინიკა “ინ ვიტრო”, ყველაზე ხანგრძლივი გამოცდილებით, ლიდერია ინ ვიტრო განაყოფიერებისა და რეპროდუქციული ჯანმრთელობის სფეროში, როგორც საქართველოში, ისე პოსტსაბჭოთა ქვეყნებში. ჩვენი კლინიკები აღჭურვილია ულტრათანამედროვე უმაღლესი ხარისხის სამედიცინო აპარატურით. ჩვენ პაციენტს ვთავაზობთ მომსახურების ფართო სპექტრს არა მარტო უშვილობის, არამედ კონსერვატიული გინეკოლოგიის, ორსულობის ანტინატალური მეთვალყურეობის თვალსაზრისით (ულტრაბგერითი კვლევა 3D და 4D განზომილებით, ლაბორატორიული კვლევების უახლესი მეთოდები). გარდა ამისა, ჩვენი გუნდი შედგება პროფესიონალი და გამოცდილი სამედიცინო პერსონალისგან, ადმინისტრაციისა და ფინანსისტებისგან. კლინიკის ექიმები კვალიფიკაციას მუდმივად იმაღლებენ მსოფლიოს სხვადასხვა ქვეყანაში. ჩვენ ყოველთვის ვეძებთ სიახლეს და ვნერგავთ მას ყოველდღიურ პრაქტიკაში.

 

 რას მიიჩნევთ თქვენი კლინიკის მთავარ წარმატებად?

 

 თითოეული ახალი სიცოცხლე და შესაბამისად, თითოეული ბედნიერი ოჯახი – ჩვენი გუნდის უდიდესი სიხარული და წარმატებაა.

 

 

მთელი ზაფხულის განმავლობაში  კლინიკა “ინ ვიტროს” ბათუმის ფილიალში, ცნობილი რეპროდუქტოლოგები  გაგიწევთ შემდეგი სახის კონსულტაციას: 

  

გინეკოლოგიური პრობლემები; 

ორსულთა მართვა;

ჰორმონალური დისბალანსი;

მოზარდთა რეპროდუქტოლოგია (მენსტრუალური ციკლის დარღვევა, ჭარბი ან  შემცირებული გათმიანება და გამონაყარი).

 

 

მსურველები უნდა ჩაეწერონ წინასწარ.

ტელ: +995 32 215 77 77


 

მისამართი: ბათუმი, გორგასლის (ყოფილი ცხაკაიას) ქუჩა, #159 ბ, მეოთხე სართული (სისხლის ბანკის გვერდით).




 

 

 

 

 

 

 
ნეტგაზეთის მასალების სხვა გამოცემებში გადაბეჭდვის წესი
რეკლამა