Batumelebi | 8 მაისს თანამედროვე მუსიკის ფესტივალი „SoundSpring“ იწყება 8 მაისს თანამედროვე მუსიკის ფესტივალი „SoundSpring“ იწყება – Batumelebi
RU | GE  

8 მაისს თანამედროვე მუსიკის ფესტივალი „SoundSpring“ იწყება

 

 

ექსპერიმენტული ელექტრონული მუსიკის ფესტივალი საუნდსფრინგი ბათუმში 8 მაისს იწყება და 10 მაისის ჩათვლით გაგრძელდება.

 

ყოველწლიური, თანამედროვე მუსიკის ფესტივალი წელს მეორედ ტარდება. ფესტივალზე დასწრების მსურველებს საშუალება ექნებათ რვა მაისს,  საღამოს 5 საათიდან   ლექციებსა და ვორქშოფებს დაესწრონ, ხოლო 7 საათიდან ქართველ და უცხოელ შემსრულებელებს მოუსმინონ.

8 მაისს, ფესტივალის პირველ დღეს, კომპოზიტორი არჩილ გიორგობიანი წაიკითხავს ლექციას მეოცე საუკუნის დასაწყისში მუსიკალურ ხელოვნებაში განვითარებულ მოვლენების შესახებ. საუბარი იქნება იმ ახალი ხედვების შესახებ, რაც იქნა დანახული ახალი თაობის მუსიკოსებისა თუ არტისტები მიერ, როგორც გასაბჭოებამდე ასევე გასაბჭოების შემდეგ. თუ როგორი იყო ხელისუფლების დამოკიდებულება ამ ყველაფრისადმი და ასევე არტისტების პოლიტიკური ხედვა.

9 მაისს მუსიკოს ნიკა მაჩაიძის ლექციის მოსმენა იქნება შესაძლებელი, ხოლო 10 მაისს პიანისტი ნინო ჟვანია წაიკითხავს ლექციას თემაზე „სიჩუმე არასოდეს დადგება… ჯონ კეიჯის 4’33“.

ლექციაზე მისულ მსმენელებს ნინო ჟვანია ჯონ კეიჯის სიჩუმეს მოკლებულ სამყაროში ამოგზაურებს, უფრო კონკრეტულად კი — ამ სამყაროს ცენტრში, რომელიც სულ რაღაც 4 წუთსა და 33 წამს მოიცავს.

Line- up:

8 მაისი , 19:00 სთ

Vincent Volt – (Georgia)

Irakli abramishvili – (Georgia)

samsø – (Georgia)

Piotr Kurek – (Poland)

9 მაისი, 19:00 სთ

Vardan Harutyunyan – (Armenia)

Raf Gyoletsyan – (Armenia)

Lukasz Szalankiewicz  – (Poland)

Nika Machaidze – (Georgia)

10 მაისი, 19:00 სთ

Sandro Kozmanashvili – (Georgia)

Koka Nikoladze – (Norway-Georgia)

TeTe Noise – (Georgia)

SoundSpring-ი გალერეა 41/41-  ში ჩატარდება, მასზე დასწრება თავისუფალია და ადგილები არ არის შეზღუდული.

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი