Batumelebi | ბათუმში ჰაერში მტვერი დასაშვებ ნორმაზე მეტია ბათუმში ჰაერში მტვერი დასაშვებ ნორმაზე მეტია – Batumelebi
RU | GE  

ბათუმში ჰაერში მტვერი დასაშვებ ნორმაზე მეტია

 

ბათუმში, ატმოსფერულ ჰაერში მტვერი დასაშვებ ნორმაზე მეტია. გარემოს ეროვნული  სააგენტოს მიერ 2014 წლის იანვარში ჩატარებული გარემოს დაბინძურების მონიტორინგის შედეგების  მიხედვით მტვერი დასაშვებ ნორმაზე მეტი საქართველოს კიდევ ოთხ ქალაქშია: თბილისში, ქუთაისში, ზესტაფონსა და რუსთავში. 

 

იანვარში ატმოსფერული ჰაერის დაბინძურების მონიტორინგი ბათუმში აბუსერიძის ქუჩაზე განთავსებულ სადამკვირვებლო პუნქტზე წარმოებდა. ამ სადგურის მეშვეობით განისაზღვრებოდა ატმოსფერული ჰაერის შემდეგი დამაბინძურებელი ნივთიერებების კონცენტრაციები: მტვერი, გოგირდისა და აზოტის დიოქსიდები და ნახშირჟანგი.

გარემოს ეროვნული სააგენტოს მონაცემებით, იანვარში მტვრის მაქსიმალური ერთჯერადი კონცენტრაცია შესაბამის ზღვრულად დასაშვებ კონცენტრაციას 1.2-ჯერ აღემატებოდა. ხოლო ნახშირჟანგის, აზოტისა და გოგირდის დიოქსიდის დაფიქსირებული მაქსიმალური ერთჯერადი კონცენტრაციები არ აღემატებოდნენ შესაბამის ზღვრულად დასაშვებ კონცენტრაციებს.

ატმოსფერული ჰაერის დაბინძურების მონიტორინგი ყოველდღიურად სულ საქართველოს ხუთ ქალაქში: თბილისში, რუსთავში, ზესტაფონში, ქუთაისსა და ბათუმში მიმდინარეობს.

გაზომვები სამუშაო დღეებში, დღეში სამჯერ ხორციელდება.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"