Batumelebi | წიგნები ფასდაკლებით პრესკაფეში წიგნები ფასდაკლებით პრესკაფეში – Batumelebi
RU | GE  

წიგნები ფასდაკლებით პრესკაფეში

 

20% და 60%-იანი ფასდაკლებით, ბათუმის  პრესკაფე წიგნების გამოფენა-გაყიდვას მასპინძლობს. 

 

ბაზრობაზე ხუთი სხვადასხვა გამომცემლის: „ქარჩხაძის“, „ლოგოს პრესის“, „დიოგენეს“, „სულაკაურისა“ და „პალიტრას“ შემეცნებითი, საბავშვო, ისტორიული და მხატვრული სახის წიგნებია წარმოდგენილი. წიგნების ბაზრობის ორგანიზატორი პრესკაფე და „თავისუფალ ჟურნალისტთა სახლია“.

ორგანიზაციის თავმჯდომარის ასლან ჭანიძის თქმით: „წიგნების ბაზრობა გათვლილია სხვადასხვა ასაკობრივ ჯგუფზე. ყველაზე მეტად მშობლები აქტიურობენ. ისინი საბავშვო და შემეცნებით ლიტერატურას ყიდულობენ.

ახალგაზრდებს მხატვრული ლიტერატურა უფრო აინტერესებთ, მაგალითად ორჰან ფამუქის წიგნები, აკა მორჩილაძის ნაწარმოებები, ზოგი სტივენ კინგის პროზას ირჩევს, ზოგს სიუზენ კოლინზის „შიმშილის თამაშები იტაცებს“.

წიგნის ბაზრობა მომავალში პერიოდულად გაგრძელდება და ქალაქის სხვასასხვა უბანში თვეში ორჯერ გაიმართება. ასლან ჭანიძის განმარტებით,  ეს წამოწყება წიგნის პოპულარიზებისა და კითხვის დონის ამაღლების შესაძებლობას იძლევა. წიგნების გამოფენა-გაყიდვა 26 იანვარს, დღის ბოლომდე გაგრძელდება.

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი