Tag Archives: ავარია ბათუმში

დღეს, 24 ნოემბერს, ბათუმში, მახინჯაურის დასახლებაში ავტოსაგზაო შემთხვევის შედეგად 2 ადამიანი დაშავდა. ავარია დაახლოებით 1 საათის წინ მოხდა. სასწრაფო სამედიცინო სამსახურის ინფორმაციით, ერთი დაშავებული ქვემო კიდურის ტრავმით საავადმყოფოში გადაიყვანეს, „მეორე დაშავებულმა კი ჰოსპიტალიზაციაზე უარი განაცხადა.“

ბათუმში დღეს, 7 ნოემბერს, ავტოსაგზაო შემთხვევის შედეგად ახალგაზრდა ქალი დაიღუპა, რომელიც ქვეითად გადაადგილდებოდა. შემთხვევა ფრიდონ ხალვაშის გამზირზე მოხდა. სასწრაფო სამედიცინო სამსახურის ინფორმაციით, შემთხვევის ადგილზე მისულ ექიმებს ქალი გარდაცვლილი დახვდათ. დღეს, საღამოს, ფრიდონ ხალვაშის გამზირზე კიდევ ერთი ავარია მოხდა. თვითმხილველის თქმით ერთმანეთს 5 მანქანა შეეჯახა, თუმცა ამ ავტოსაგზაო შემთხვევის შედეგად არავინ დაშავებულა.

დღეს, 9 ოქტომბერს, ავტოსაგზაო შემთხვევა მოხდა ბათუმში, მახინჯაურის დასახლებაში. თვითმხილველის თქმით, ერთმანეთს ტრაილერი და მსუბუქი ავტომანქანა შეეჯახა. შემთხვევის შედეგად ერთი ადამიანი დაიღუპა, ორი კი, სასწრაფომ კლინიკაში გადაიყვანა. ადგილზე მობილიზებულია საპატრულო პოლიცია.

ორი ავტოსაგზაო შემთხვევა მოხდა ბათუმში დღეს, 27 სექტემბერს, ფრიდონ ხალვაშის გამზირზე. ორივე შემთხვევაში ერთმანეთს ორი მსუბუქი ავტომანქანა შეეჯახა. ავარიის შედეგად, რომელიც დილით, დაახლოებით 8 საათზე მოხდა, ერთი დაშავებული კლინიკაში გადაიყვანეს. შსს-ს ინფორმაციით დაწყებულია გამოძიება. მეორე ავარიის შედეგად კი, თვითმხილველის თქმით, არავინ დაშავებულა. ადგილზე იმყოფება საპატრულო პოლიცია. ავტოსაგზაო შემთხვევის გამო ხალვაშის გამზირზე ტრანსპორტის მოძრაობა შეფერხებული იყო.

ავტოავარია მოხდა ბათუმში დღეს, 14 ივლისს, გორგილაძის ქუჩაზე. თვითმხილველების ინფორმაციით, ავტომანქანა დაეჯახა ქალსა და ბავშვს, რომლებიც სქროლით ზებრა გადასასვლელზე გადადიოდნენ. ასევე თვითმხილველების თქმით, ქალი კლინიკაში გადაიყვანეს. ადგილზე მობილიზებულია პოლიცია. ____________ ფოტო შემთხვევის ადგილიდან  

დღეს, 11 ივლისს, საღამოს, ავარია მოხდა ბათუმში, გორგილაძისა და ვაჟა-ფშაველას ქუჩების კვეთაში. პირველადი ინფორმაციით, ერთმანეთს ავტომანქანა და მოტოციკლი შეეჯახა. სასწრაფო სამედიცინო სამსახურმა ორი დაშავებული გადაიყვანა კლინიკაში ავტოავარიის ადგილიდან. „ბათუმელების“ ინფორმაციით, დაშავებულებს შორისაა „გლოვოს“ კურიერი.

დღეს, 15 ივნისს, ჭავჭავაძის ქუჩაზე ერთმანეთს სამი მსუბუქი მანქანა შეეჯახა. თვითმხილველის თქმით, სავარაუდოდ, ერთი ადამიანი დაშავდა. ადგილზე იმყოფება სასწრაფო დახმარების ჯგუფი და პოლიცია. „ბათუმელები“ ინფორმაციას აზუსტებს.

ბათუმში, დღეს, 13 ივნისს, სასტუმრო „ეიფორიასთან“ ავტოავარიის შედეგად დაშავებული ქვეითი დაიღუპა. „ბათუმელებს“ ინფორმაცია კლინიკა „ბაუ“-ში დაუდასტურეს. გარდაცვლილია 35 წლამდე ასაკის კაცი, რომლის ვინაობასაც ამჟამად პოლიცია არკვევს. იგი საავადმყოფოში მიყვანამდე გარდაიცვალა. ავარია დღეს, საღამოს საათებში მოხდა. პირველადი ინფორმაციით, ავტომანქანა ორ ქვეითს შეეჯახა. ამავე თემაზე:  ავტომანქანა ორ ქვეითს შეეჯახა – ავარია ბათუმში

დაახლოებით 18:00 საათზე ბათუმში, შარაბიძეების დასახლებაში, ავტობუსის მოსაცდელთან, მეთორმეტეკლასელ მოსწავლეებს ავტომანქანა დაეჯახა. დაშავებული ბავშვები საავადმყოფოში არიან გადაყვანილნი. როგორც კლინიკაში გვითხრეს, მოსწავლეებს მოტეხილობები აქვთ. „ერთი გოგოა და მეორე ბიჭი დაშავებული. როგორც ვიცით, მოსწავლეები ავტობუსის მოსაცდელთან იდგნენ, ელოდებოდნენ ავტობუსს, რა დროსაც მანქანა შევარდნილა. ამ დროისთვის დაშავებულები სტაბილურები და კონტაქტურები არიან და უტარდებათ კვლევები“, – განაცხადეს კლინიკაში.

დღეს, 30 იანვარს, მსუბუქი ავტომანქანა ქვეითს დაეჯახა. შემთხვევა ბათუმში, ბაგრატიონის ქუჩაზე მოხდა. „მედცენტრის“ ინფორმაციით, დაშავებული 62 წლის კაცი კლინიკაში მოთავსების შემდეგ გარდაიცვალა. დაწყებულია საგამოძიებო მოქმედებები. შსს-ს ინფორმაციით, გამოძიება დაიწყო სისხლის სამართლის კოდექსის 276-ე მუხლის შესაბამისად.

ავტოსაგზაო შემთხვევა მოხდა დღეს, 5 ნოემბერს, ბათუმში, ფრიდონ ხალვაშის გამზირზე. საგანგებო სიტუაციების კოორდინაციისა და გადაუდებელი დახმარების ცენტრის ინფორმაციით, ავარიის შედეგად დაშავებული 2 მოქალაქე კლინიკაში გადაიყვანეს. „ბათუმელებს“ კლინიკაში განუცხადეს, რომ დაშავებულებს კიდურების დაზიანებები აქვთ და შესაბამისი კვლევები უტარდებათ.  

9 წლის ანიტა შანთაძე მეოთხე კლასელია. უყვარს ხატვა და სკოლაში სიარული, რადგან იქ არიან ადამიანები, ვისი ნახვაც უხარია. ანიტას და მისი ოჯახის ცხოვრება ათი თვის წინ შეიცვალა, როცა ანიტა ავარიაში მოჰყვა – მარჯვენა ხელზე სატვირთო მანქანამ გადაუარა. მარჯვენა ხელის ორი თითი დაკარგა, ხოლო მკლავი დეფორმირებული აქვს. ანიტას დედა, ნათია შანთაძე ცრემლების გარეშე ვერ ჰყვება იმ …

Continue reading “9 წლის ანიტას ხელზე სატვირთომ გადაუარა, მას თურქეთში ოპერაცია სჭირდება “

ბათუმში, დღეს 30 ოქტომბერს, პუშკინისა და სელიმ ხიმშიაშვილის ქუჩების კვეთაში ავტოსაგზაო შემთხვევა მოხდა. ერთმანეთს 3 ავტომანქანა შეეჯახა. სასწრაფო სამედიცინო სამსახურის ინფორმაციით 2 დაშავებული [აქედან ერთი 16 წლამდე ასაკის] ზედაპირული ტრავმით კლინიკაში გადაიყვანეს, „ერთმა პირმა კი, დახმარებაზე უარი განაცხადა.“ შინაგან საქმეთა სამინისტროს ინფორმაციით კი, დაწყებულია გამოძიება.

დღეს, 16 სექტემბერს, ბათუმში ლუკა ასათიანის ქუჩაზე ავტოსაგზაო შემთხვევა მოხდა. ჯიპის მარკის ავტომობილი ტროტუარზე ავარდა და კედელს შეეჯახა. ადგილზე იმყოფება პოლიცია, თუმცა დაშავებულების შესახებ ინფორმაცია არ ვრცელდება. თვითმხილველების თქმით, ავტომობილს არასრულწლოვნები მართავდნენ, როგორც პოლიციაში გვეუბნებიან, მიმდინარეობს მოკვლევა.

დღეს, 16 ივლისს, ავარია მოხდა გონიოს ციხესთან. პირველადი ინფორმაციით, ერთმანეთს ორი მიკროავტობუსი შეეჯახა. შს სამინისტროს ინფორმაციით, ავარიის შედეგად ორი ადამიანი დაშავდა. „ბათუმელები“ დეტალებს აზუსტებს. _______________ ფოტო: ავარიის ადგილი/facebook

რამდენიმე წუთის წინ ავტოსაგზაო შემთხვევა მოხდა ბათუმში, ფრიდონ ხალვაშის გამზირზე. „ბათუმელების“ ინფორმაციით, ერთმანეთს სამი მსუბუქი ავტომანქანა შეეჯახა. თვითმხილველის თქმით, შემთხვევის შედეგად არავინ დაშავებულა. გადაუდებელი დახმარების სამსახურში განაცხადეს, რომ მათთან შეტყობინება არ შესულა. „სასწრაფო დახმარების ეკიპაჟი შემთხვევით შეესწრო ფაქტს, თუმცა ვინმესთვის სამედიცინო დახმარების აღმოჩენის საჭიროება არ იყო, შესაბამისად, არც არავინ გადაგვიყვანია კლინიკაში“ – გვითხრეს სასწრაფოში.   …

Continue reading “ავარია ფრიდონ ხალვაშის გამზირზე”

დღეს, 13 იანვარს, ბათუმში, თავდადებულისა და ბრწყინვალეს ქუჩების კვეთაში ავტოსაგზაო შემთხვევა მოხდა. ერთმანეთს მიკროავტობუსი და მსუბუქი მანქანა შეეჯახა. „ბათუმელების“ ინფორმაციით, ავარიის შედეგად ერთი პირი მსუბუქად დაშავდა. ადგილზე მობილიზებული იყო სასწრაფო და საპატრულო პოლიციის ეკიპაჟი.

ბათუმში, დღეს, 21 მაისს, რამდენიმე წუთის წინ, ავტოსაგზაო შემთხვევა მოხდა ხიმშიაშვილის ქუჩაზე. თვითმხილველის თქმით, მსუბუქი ავტომანქანა გზის გამყოფ ზოლზე მოაჯირს შეეჯახა. მისივე თქმით, შემთხვევის შედეგად არავინ დაშავებულა.

ბათუმში, დაახლოებით დილის 08:00 საათზე, საპატრულო პოლიციის მანქანა ავტოავარიაში მოჰყვა. ერთმანეთს მსუბუქი ავტომანქანები შეეჯახნენ. შემთხვევა დღეს 12 დეკემბერს, გრიბოედოვის ქუჩაზე მოხდა. სასწრაფო დახმარების სამსახურის ინფორმაციით, დაშავდა ორი ადამიანი, რომლებიც ბათუმის რეფერალურ საავადმყოფოში გადაიყვანეს. გამოძიება დაწყებულია სსკ-ის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ბათუმში ავტოავარიის შედეგად ორი ადამიანი დაშავდა. შემთხვევა დღეს, 22 ნოემბერს მოხდა. „ორი დაშავებული გადაყვანილია კლინიკა ბაუ-ში, ქალი თავის ტრავმით და კაცი ზედაპირული დაზიანებებით“, – გვითხრეს სასწრაფო სამედიცინო სამსახურში. გადაკეტილია [17:00 სთ] თამარ მეფის გამზირი და ავტომანქანებს შემოვლითი გზით უწევთ მოძრაობა. შემთხვევასთან დაკავშირებით შსს-გან მიღებულ ინფორმაციას აქვე შემოგთავაზებთ.

დღეს, 2 ოქტომბერს, ბათუმში ერთმანეთს ორი ავტომანქანა შეეჯახა, რის შედეგადაც ერთი ადამიანი დაიღუპა, ხუთი კი დაშავდა. სასწრაფო სამედიცინო სამსახურის ინფორმაციით, შუახნის მამაკაცი ადგილზე გარდაცვლილი დახვდათ, ხოლო კლინიკაში სხეულის სხვადასხვა დაზიანებით 5 პირი გადაიყვანეს. ავტოსაგზაო შემთხვევა გონიოს ხიდის მიმდებარედ მოხდა. შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო.

ბათუმში დღეს, 31 აგვისტოს, დილით, ბაგრატიონის ქუჩაზე, სამარშრუტო მიკროავტობუსი ავარიაში მოყვა. თვითმხილველის თქმით, ერთმანეთს სამგზავრო მიკროავტობუსი და მსუბუქი ავტომანქანა შეეჯახა. საგანგებო სიტუაციების კოორდინაციისა და გადაუდებელი დახმარების ცენტრში „ბათუმელებს“ უთხრეს, რომ შემთხვევის შედეგად კლინიკაში არავინ გადაუყვანიათ.  

ბათუმში, ტბელ აბუსერიძისა და შარტავას ქუჩების კვეთაში, დღეს, 9 აგვისტოს, ავტოავარია მოხდა. ერთმანეთს ორი მსუბუქი ავტომანქანა შეეჯახა, რის შედეგადაც ერთი ავტომანქანა ამოტრიალდა. თვითმხილველების თქმით, ავტოავარიის შედეგად არავინ დაშავებულა: „ყველა გადარჩა“. „ბათუმელები“ სასწრაფო სამედიცინო სამსახურს დაუკავშირდა, სადაც გვითხრეს, რომ „სამედიცინო დახმარება არავის დასჭირვებია“.

ახლახან [19:30] ბათუმში, რუსთაველის ქუჩაზე, ავარია მოხდა. თვითმხილველის თქმით, მსუბუქი ავტომანქანა ხეს შეეჯახა. სასწრაფო სამედიცინო დახმარების სამსახურის ინფორმაციით, ერთი ადამიანი დაშავდა, თუმცა მან უარი თქვა ჰოსპიტალში გადაყვანაზე. „მას მსუბუქი დაზიანებები აღენიშნებოდა და ადგილზე გაეწია დახმარება“, – გვითხრეს სასწრაფოში. ამავე თემაზე: 203 ადამიანი დაიღუპა ავტოავარიით საქართველოში – ექვსი თვის მონაცემები