ნეტგაზეთი • RU

ბათუმში ავარიის შედეგად 1 ახალგაზრდა კაცი დაიღუპა, მეორე კლინიკაშია

დღეს, 8 ნოემბერს, ბათუმში ავტოავარიის შედეგად 2 დაშავებული ახალგაზრდა კაცი სასწრაფო დახმარების ჯგუფმა კლინიკაში გადაიყვანა.

ბათუმის სამედიცინო ცენტრში „ბათუმელებს“ უთხრეს, რომ დაშავებულები კლინიკაში „მძიმე მდგომარეობაში მოიყვანეს. მათგან ერთ-ერთი გარდაიცვალა, მეორე დაშავებულის მდგომარეობა კი, ამ დროისთვის სტაბილურად მძიმეა“.

შემთხვევა ბათუმში, აეროპორტის გზატკეცილზე მოხდა.

დაღუპული ახალგაზრდა გარემოსდაცვითი ზედამხედველობის დეპარტამენტის თანამშრომელი იყო. ამავე დეპარტამენტის თანამშრომელია დაშავებულიც. „ისინი სამსახურებრივ მოვალეობას ასრულებდნენ“, – გვითხრეს დეპარტამენტში.

შინაგან საქმეთა სამინისტროს ინფორმაციით, ფაქტზე დაწყებულია გამოძიება.

 

მასალების სხვა გამოცემებში გადაბეჭდვის წესი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com