დღეს საპლაჟო ფეხბურთში საქართველოს ჩემპიონატი იწყება

  8-14 ივლისს ბათუმში, ბულვარში მდებარე ქვიშის მოედანზე საპლაჟო ფეხბურთში საქართველოს რიგით მეორე ჩემპიონატი ჩატარდება.

საქართველოს პირველი ჩემპიონატი საპლაჟო ფეხბურთში | 2014 წელი

მასში მონაწილეობას მიიღებს შვიდი გუნდი: ბათუმის „პირატები“, სენაკის „აიეტი“, ბათუმის სახელმწიფო უნივერსიტეტის გუნდი, ქობულეთის გუნდი, ბათუმის „დინამო“, ბათუმის საზღვაო აკადემიის გუნდი და ხელვაჩაურის გუნდი.

თამაშები შვიდ ტურად ჩატარდება, რომლის შემდეგაც გამოვლინდება გამარჯვებული.

დღეს ჩემპიონატის პირველი ტური გაიმართება. ერთმანეთს შეხვდებიან 17:30 საათზე საზღვაო აკადემია – „აიეტი“, 18:30 საათზე ხელვაჩაური – ბსუ, 19:30 საათზე ბათუმის „დინამო“ – ქობულეთი.

9 ივლისს, მეორე ტურის შეხვედრათა განრიგი შემდეგია:

17:30 საათი – ბათუმის „დინამო“ – ხელვაჩაური
18:30 საათი – საზღვაო აკადემია – „პირატები“
19:30 საათი – „აიეტი“ – ქობულეთი

საქართველოს ჩემპიონატი საპლაჟო ფეხბურთში წელს მეორედ ტარდება. 2014 წელს ჩემპიონობა ბათუმის „დინამომ“ მოიპოვა.