დასრულდა უმაღლეს სასწავლებლებს შორის აჭარის ღია პირველობა ფუტზალში. ფინალურ შეხვედრაში დღეს ბათუმის შოთა რუსთაველის სახელმწიფო უნივერსიტეტის პირველმა გუნდმა 6:1 დაამარცხა ბათუმის საზღვაო აკადემიის გუნდი. შეხვედრა ბათუმის შოთა რუსთაველის უნივერსიტეტის სპორტულ დარბაზში გაიმართა.
ჩემპიონატში სულ ოთხი უმაღლესი სასწავლებლის 5 გუნდი მონაწილეობდა. ორი გუნდი ბათუმის შოთა რუსთაველის უნივერსიტეტიდან და თითო გუნდი ბათუმის ნავიგაციის სასწავლო უნივერისტეტიდან, კავკასიის უნივერსიტეტიდან და საზღვაო აკადემიიდან.
ფუტზალის აჭარის ჩემპიონატი აჭარის ფუზტალისა და საპლაჟო ფეხბურთის ფედერაციის ორგანიზებით ჩატარდა. ფედერაციის პრეზიდენტის ჯაბა ჭანტურიას შეფასებით ასეთი ღონისძიებები სამომავლოდ ხელს შეუწყობს ფუტზალის განვითარებას.
ტურნირი 9 დეკემბერს დაიწყო. ჯაბა ჭანტურიას თქმით, ღონისძიება აჭარის სპორტისა და ახალგაზრდობის საქმეთა დეპარტამენტმა 1840 ლარით დააფინანსა.
მსგავსი შეჯიბრის ჩატარება მომავალშიც იგეგმება.
ბათუმის საზღვაო აკადემიის ფუტზალის გუნდის მწვრთნელი ზაურ ქავზინაძე
