პირად პირველობაში, სადაც 92 ქალი მონაწილეობდა, ქრისტინე ესებუა მეოთხე ადგილზე გავიდა. მის გარდა საქართველოს ნაკრების ღირსებას აჭარიდან ასმათ დიასამიძე და იულია ლობჟანიძე იცავდნენ.
გუნდურ შეჯიბრში, მერვედფინალში საქართველოს ნაკრებმა ანკარის გუნდი 198:148 დაამარცხა, მეოთხედფინალში აზერბაიჯანის გუნდს 198:188 სძლია, ნახევარფინალში კი იზმირის გუნდს 217:212 მოუგო და ფინალში რუსეთის ნაკრებს დაუპირისპირდა. სამწუხაროდ თამაზ ფუტკარაძის შეგირდებმა გადამწყვეტი შეხვედრა 219:196 დათმეს და მეორე ადილს დასჯერდნენ.
ვაჟ მშვილდოსნებს კი ნაკლებად გაუმართლა. ქართულმა ტრიომ (ლაშა ფხაკაძე – თბილისი, არჩილ ფარსენაძე და მამუკა შუშაძე – ხელვაჩაური) მართალია პირველ შეხვედრაში ანკარის გენკაის გუნდი 208:206 დაამარცხა, მაგრამ მეოთხედფინალში თავად დამარცხდა ასევე ანკარის, ოღონდ ოკჩულუკის გუნდთან 196:217 და საბოლოოდ მეშვიდე ადგილს დასჯერდა.
