2026 წლის აგვისტოში „ბათუმელებსა“ და „ნეტგაზეთს“ მკითხველმა, მხარდაჭერის კამპანიის ფარგლებში, 6 350 ლარი შემოსწირა. მადლობა, რომ ამ ბრძოლაში მარტო არ გვტოვებთ!
- მადლობა თითოეულ ჩვენს გამომწერს – ვინც მზად არის, მთელი წლის განმავლობაში ჩვენთან ერთად იდგეს!
- მადლობა მათ, ვინც ერთჯერადად დაგვიჭირა მხარი!
თითოეული თქვენგანის მხარდაჭერა ჩვენთვის მხოლოდ ფინანსური დახმარება არ არის – ეს არის ნდობა, გამხნევება და ძალა, გავაგრძელოთ ის საქმე, რომლისაც გვჯერა.
ჩვენ კვლავ რთულ პირობებში გვიწევს მუშაობა – მუდმივი წნეხის, მუქარისა და საფრთხეების ფონზე. მაგრამ ამ ყველაფრის მიუხედავად, ვიცით, რომ მარტო არ ვართ. ვიცით, რომ გვკითხულობთ, გვადევნებთ თვალს და გჯერათ ჩვენი.
სწორედ ეს გვაძლევს ძალას, არ გავჩუმდეთ.
„ბათუმელებისა“ და „ნეტგაზეთის“ მხარდაჭერის კამპანია ამით არ სრულდება. რეპრესიული კანონმდებლობის პირობებში, როცა დამოუკიდებელი მედიის მუშაობა სულ უფრო რთულდება, თქვენი მხარდაჭერა ჩვენთვის სასიცოცხლოდ მნიშვნელოვანია.
ჩვენს ვებგვერდებზე ნახავთ მხარდაჭერის ღილაკს, რომლის საშუალებითაც შეგიძლიათ მხარი დაგვიჭიროთ თვეში 1, 5, 10 ან 20 ლარით, ერთი წლის განმავლობაში.
დაარსებიდან დღემდე „ბათუმელები“ და „ნეტგაზეთი“ არასდროს ყოფილა არც ერთი პოლიტიკური თუ ბიზნესჯგუფის საკუთრება. ჩვენ ყოველთვის საზოგადოების ნაწილი და საზოგადოების სამსახურში მყოფი მედია ვიყავით.
ამიტომ დღეს ისევ თქვენ მოგმართავთ.
შემოუერთდით ჩვენი მხარდაჭერის კამპანიას, გახდით ჩვენი დონორი – ამისთვის თვეში მხოლოდ 1 ლარიც საკმარისია, ეს მოგვცემს ძალას და შესაძლებლობას, რომ სიმართლე ყოველთვის ითქვას, რომ სიმართლე ყოველთვის ჩანდეს.
ერთი ლარი შეიძლება უმნიშვნელო თანხად ჩანდეს, მაგრამ ათასობით ადამიანის მხარდაჭერა ნიშნავს შესაძლებლობას, რომ გავაგრძელოთ მუშაობა, დავსვათ რთული კითხვები, მოვყვეთ ის ამბები, რომელთა მიჩქმალვაც სურთ და არ დავუშვათ, რომ სიმართლე ჩუმად გაქრეს.
ჩვენ ვარსებობთ თქვენთვის და თქვენით.
თუ გჯერათ, რომ დამოუკიდებელ მედიას დღეს უფრო მეტად სჭირდება მხარდაჭერა, ვიდრე ოდესმე – შემოგვიერთდით.
გადადით მხარდაჭერის პლატფორმაზე და გაეცანით პირობებს.
