აჭარის ჯანდაცვის სამინისტროს ბოლო მონაცემებით აჭარაში 100 წლის და მეტი ასაკის 30 მოქალაქე ცხოვრობს.
ხანდაზმულებს შორის ყველაზე უხუცესი შუახევის მუნიციპალიტეტში მცხოვრები 112 წლის ნაქიფე დავითაძეა.
აჭარის ჯანდაცვის სამინისტროს ინფორმაციით, 1 ივლისს აჭარაში სამ მოქალაქეს შეუსრულდა 100 წელი.
ხანდაზმულებს აჭარის ჯანმრთელობისა და სოციალური დაცვის სამინისტროს პროგრამის ფარგლებში ერთჯერადი ფინანსური დახმარება 5 000 ლარის ოდენობით გადაეცათ.
100 წელს გადაცილებულ მოქალაქეებზე ერთჯერადი დახმარების თანხა აჭარაში 2026 წელს 1500 ლარიდან 5 000 ლარამდე გაიზარდა.
ას წელს გადაცილებული მოქალაქეების უმრავლესობა აჭარაში მაღალმთიან სოფლებში ცხოვრობს.