ტელეკომპანია „ფორმულა“ აცხადებს, რომ არხის მაუწყებლობა მათი მაყურებლების ნაწილს შეუწყდა.
ტელეკომპანიამ განცხადება დღეს, 4 მაისს, საღამოს გაავრცელა.
„გვსურს, შევატყობინოთ „ფორმულას“ მაყურებელს, რომ არხის მაუწყებლობა დროებით შეუწყდა მათ ნაწილს.
მიზეზი არის დავალიანება კომპანია „სტერეო პლიუსის“ მიმართ, რომელიც უზრუნველყოფს „ფორმულას“ ღია სიგნალით გავრცელებას იმ მაყურებლებისთვის, ვისაც საკაბელო ტელევიზია არ აქვს და არხს ციფრული მულტიპლექსის საშუალებით იღებს.
არხის ხელმძღვანელობა აქტიურად მუშაობს საჭირო ფინანსური რესურსის მობილიზებაზე, რათა მაუწყებლობა რაც შეიძლება მალე სრულად აღდგეს“ – წერს „ფორმულა“.
ამავე დროს, ტელეკომპანია მაყურებლებს მხარდაჭერას სთხოვს:
ამ პროცესში თქვენი მხარდაჭერა ჩვენთვის განსაკუთრებით მნიშვნელოვანია. თუ გსურთ, შეგიძლიათ დაეხმაროთ ტელეკომპანია ფორმულას დონაციის გზით. გმადლობთ ნდობისა და თანადგომისთვის.
ანგარიშის ნომერი: GE32TB7843845067800005“.
