კადიროვი უარყოფს ინფორმაციას, რომ თირკმლები გაეთიშა

ჩეჩნეთის ლიდერმა, რამზან კადიროვმა, უარყო ინფორმაცია მისი ჯანმრთელობის მდგომარეობის გაუარესებასა და თირკმლის უკმარისობის შესახებ, რომელიც უკრაინულმა მედიამ სადაზვერვო სამსახურის წყაროებზე დაყრდნობით გაავრცელა.

„ამბობენ, რომ თირკმელები გამეთიშა და საავადმყოფოში ვარ… ტელევიზიითა და სოციალურ მედიაში ჩემი ნახვის შემდეგაც კი, ისინი კვლავ ამტკიცებენ, რომ ავად ვარ და ვკვდები“ – კადიროვის ციტატას რუსული მედია ავრცელებს.

ასევე, მედიის ცნობით, მან მოუწოდა ჩეჩნეთში შესაბამის უწყებებს, გააძლიერონ ბრძოლა ონლაინ სივრცეში განზრახ გავრცელებული ცრუ ინფორმაციის წინააღმდეგ.

კადიროვის ჯანმრთელობის მდგომარეობის გაუარესების შესახებ მედიაში არაერთხელ გავრცელდა ინფორმაცია.

___________

ფოტო: ევროპის პრესფოტო სააგენტო.

ამავე თემაზე: 

კადიროვს თირკმლები გაეთიშა – უკრაინული მედია