ქურდობის ბრალდებით დააკავეს დაცვის პოლიციის დეპარტამენტის საავიაციო უშიშროების სამმართველოს ინსპექტორი.
ინფორმაციას შსს ავრცელებს.
გამოძიების თანახმად, 1990 წელს დაბადებული მ.ბ. სამსახურებრივი მოვალეობის შესრულების დროს ფარულად დაეუფლა მოქალაქის კუთვნილ ოქროს ნივთს.
ქურდობის ფაქტზე გამოძიება სისხლის სამართლის კოდექსის 177-ე მუხლით მიმდინარეობს. ბრალდებული მოსამართლის განჩინების საფუძველზე დააკავეს.
დანაშაული 3-დან 5 წლამდე თავისუფლების აღკვეთას ითვალისწინებს.
