ჟურნალისტი, ტელეწამყვანი ნანუკა ჟორჟოლიანი ფეისბუქზე წერს, რომ „ქართული ოცნების“ დეპუტატი მარიამ ლაშხი უჩივის სასამართლოში, იმის გამო, რომ ფეისბუქზე მონა უწოდა.
„ხვალ დამიბარეს სასამართლო პროცესზე.
მიჩივის მარიამ ლაშხი, ფეისბუქზე დაწერილი სტატუსის გამო სადაც მას მონა ვუწოდე:))
Mariam Lashkhi -მონა ხარ მარიამ. რამდენჯერაც არ უნდა იჩივლო, ამას ვერაფერი შეცვლის.
მოსამართლეა ნინო ენუქიძე.
პროცესი 15:00.
ადვოკატი მჭირდება, ვის გცალიათ?“ – წერს ნანუკა ჟორჟოლიანი.
„ქართული ოცნების“ დეპუტატ მარიამ ლაშხის საჩივრის საფუძველზე სტუდენტებს: ლიკა ლორთქიფანიძესა და თათია აფრიამაშვილს 12-დღიანი ადმინისტრაციული პატიმრობა შეეფარდათ, 2 შვილის დედას, მაგდა მამუკაშვილს კი 4 000 ლარის გადახდა დაეკისრა.
ლიკა ლორთქიფანიძემ და თათია აფრიამაშვილმა დღეს, 11 ივნისს დატოვეს იზოლატორი 12-დღიანი პატიმრობის შემდეგ.
