შინაგან საქმეთა სამინისტროს ინფორმაციით, სარფში განსაკუთრებით დიდი ოდენობით ნარკოტიკული საშუალებების „მეთადონისა“ და „ბუპრენორფინის“ შემცველი 1245 აბი ამოიღეს.
შსს-ს ინფორმაციით, პოლიციელებმა ნარკოტიკული ნივთიერებები ხელბარგის გადამოწმების დროს აღმოაჩინეს.
შსს-ს მიერ 2025 წლის 3 ივნისს გავრცელებული ინფორმაციის მიხედვით, ამ შემთხვევაზე 1988 წელს დაბადებული ი.ლ. დააკავეს. მას ბრალად ედება განსაკუთრებით დიდი ოდენობით ნარკოტიკული საშუალებების უკანონო შეძენა-შენახვა და საქართველოში უკანონოდ შემოტანა.
ბრალის დადასტურების შემთხვევაში, ბრალდებულს 20 წლამდე, ან უვადო თავისუფლების აღკვეთა ელის.
შსს-ს იუწყება, რომ გამოძიება სისხლის სამართლის კოდექსის 260-ე და 262-ე მუხლებით მიმდინარეობს.
