26 მაისს, ღამით, ბათუმში, საკონსტიტუციო სასამართლოსთან მიმდინარე საპროტესტო აქციაზე პოლიციამ სტუდენტი ლუკა ნაცვლიშვილი დააკავა.
მისი დაკავების ვიდეოკადრები აქციაზე მყოფმა მოქალაქემ გადაიღო. „რის გამო მაკავებთ?“ – კადრებში ჩანს, როგორ ეკითხება დაკავებისას ლუკა ნაცვლიშვილი პოლიციელებს, თუმცა იგი პასუხს ვერ იღებს, ისე აიძულებენ პოლიციის მანქანაში ჩაჯდომას.
„ბათუმელები“ შს სამინისტროდან ელოდება ინფორმაციას, რის საფუძველზეა დაკავებული ლუკა ნაცვლიშვილი.
ამჟამად ბათუმის პოლიციის მესამე განყოფილებასთან, სადაც ნაცვლიშვილია გადაყვანილი, აქციის მონაწილეები არიან შეკრებილი და ცდილობენ მისი დაკავების მიზეზის გარკვევას.
სტუდენტი, აქტივისტი ლუკა ნაცვლიშვილი 2025 წლის იანვარშიც დააკავეს საპროტესტო აქციაზე, აქციის სხვა მონაწილეებთან ერთად, ადმინისტრაციული მუხლით.
