საერთაშორისო რეისი ბათუმი-ერევანი 14 ივნისიდან ივლის – შეთანხმებას „სამხრეთ კავკასიის რკინიგზისა“ და „საქართველოს რკინიგზის“ წარმომადგენლებს შორის ხელი 20 მაისს მოაწერეს, ერევანში.
„სამხრეთ კავკასიის რკინიგზის“ ცნობით, მატარებელი იმოძრავებს ყოველ მეორე დღეს: თვის ლუწ დღეებში – ერევნიდან, კენტ დღეებში – ბათუმიდან.
რეისები შესრულდება 14 ივნისიდან 2 ოქტომბრამდე, შემდეგ კი მარშრუტი შეჩერდება.
„სამხრეთ კავკასიის რკინიგზის“ ცნობით, ერევანი-ბათუმი-ერევნის საერთაშორისო მატარებელი სამი ტიპის თანამედროვე ვაგონისგან შედგება: სავარძლით, კუპეთი და საძილე ადგილით.
ერევნიდან ბათუმამდე მგზავრობის დრო დაახლოებით 16 საათი იქნება.
ბილეთების გაყიდვა ჯერ არ დაწყებულა.
