აშშ-ის ყოფილ პრეზიდენტს, ჯო ბაიდენს 82 წლის ასაკში პროსტატის კიბოს დიაგნოზი დაუსვეს.
საუბარია კიბოს აგრესიულ ფორმაზე, ბაიდენის ოფისის განცხადების თანახმად, მეტასტაზები ძვლებშიც გავრცელდა. მკურნალობის ვარიანტებს ბაიდენი ოჯახთან ერთად განიხილავს.
პრეზიდენტი დონალდ ტრამპი სოციალურ ქსელში გამოეხმაურა გავრცელებულ ინფორმაციას და დაწერა, რომ ის და პირველი ლედი, მელანია ტრამპი, დამწუხრებულები არიან ჯო ბაიდენის სამედიცინო დიაგნოზის გამო და მას სწრაფ და წარმატებულ გამოჯანმრთელებას უსურვებენ.
