დღეს, 23 აპრილს, თურქეთში, ქალაქ სტამბოლში 6,2 მაგნიტუდის სიმძლავრის ბიძგები დაფიქსირდა – ინფორმაციას თურქული სააგენტო „ანადოლუ“ ავრცელებს.
გამოცემის ცნობით, მიწისძვრის ეპიცენტრი სტამბოლის სილივრის რაიონში, მარმარილოს ზღვაში იყო.
მიწისძვრა, რომელიც იგრძნობოდა სტამბოლსა და მიმდებარე პროვინციებში, 6,92 კილომეტრის სიღრმეზე მოხდა.
თურქეთის კატასტროფებისა და საგანგებო სიტუაციების მართვის სამსახური მოსახლეობას აფრთხილებს, არ შევიდნენ დაზიანებულ შენობებში.
ჯერჯერობით არ ვრცელდება ინფორმაცია ნგრევისა და დაშავებულების შესახებ.
დღეს, 23 აპრილს, ძლიერ მიწისძვრამდე სტამბოლის რეგიონში 3.9 მაგნიტუდის სიმძლავრის ბიძგები დაფიქსირდა.
_______________
ფოტოზე: სტამბოლი. ფოტო: ევროპის პრესფოტო სააგენტო. EPA-EFE/TOLGA BOZOGLU
