4 მარტს, ბათუმის საქალაქო სასამართლოში მზია ამაღლობელის წინასასამართლო სხდომა გაიმართა. ბათუმის საქალაქო სასამართლოს მოსამართლე ვიქტორ მეტრეველმა მზია ამაღლობელი წინასწარ პატიმრობაში დატოვა.
ასევე, სასამართლომ სრულად დააკმაყოფილა ბრალდების მხარის შუამდგომლობა და დაცვის მხარის მოწმედ დასაკითხ პირთა ნუსხიდან ამოიღო 17 პირი, 18 ვიდეომტკიცებულება, 13 დათვალიერების ოქმი და 14 წერილობითი მტკიცებულება.
მზია ამაღლობელის უფლებადამცველების განცხადებით, აღნიშნული ქმედებით სასამართლომ ის დატოვა დაცვის უფლების განხორციელების გარეშე და პროცედურულადაც კი არ უზრუნველყო მისი უფლება სამართლიან სასამართლოზე.
როგორც მზია ამაღლობელის უფლებადამცველები აცხადებენ, სასამართლოს ამ გადაწყვეტილებას არ მოეძებნება პრეცედენტი ქართულ მართლმსაჯულებაში.
ნახეთ ფოტოები მზია ამაღლობელის სასამართლო პროცესიდან.
ბათუმის საქალაქო სასამართლოში მზია ამაღლობელის სასამართლო სხდომაზე დასწრების მსურველი ბევრი იყო.სასამართლოს გარეთ მზია ამაღლობელის მხარდასაჭერად აქცია მიმდინარეობდასასამართლო პროცესს ესწრებოდნენ ქართული მედიის და არასამთავრობო სექტორის წარმომადგენლებისხდომას ესწრებოდნენ მეგობრები და ოჯახის წევრებისასამართლოზე დასასწრებად ბათუმში საგანგებოდ ჩამოვიდა საფრანგეთის ელჩი საქართველოში შერაზ გასრისასამართლო სხდომას ესწრებოდნენ დიპლომატები ევროპული ქვეყნების სხვადასხვა საელჩოდანპროცესი ერთი საათის დაგვიანებით დაიწყო. დარბაზში ყველა მსურველმა ვერ შეძლო შემოსვლა ადგილების სიმცირის გამოპროკურატურის წარმომადგენლები: თორნიკე გოგეშვილი და შოთა ჩხაიძემზია ამაღლობელის ადვოკატები: მაია მწარიაშვილი და გიორგი ხიმშიაშვილიმზია ამაღლობელი სასამართლო დარბაზში ბადრაგის ხუთმა თანამშრომელმა შემოიყვანამზია ამაღლობელიმზია ამაღლობელი და ადვოკატი მაია მწარიაშვილისასამართლო დარბაზიმზია ამაღლობელი სასამართლო პროცესზეწინასასამართლო სხდომა მოსამართლე ვიქტორ მეტრეველს მიჰყავდაბადრაგი ხშირად ეფარებოდა მზია ამაღლობელს, რაც დარბაზში უკმაყოფილებას იწვევდამოსამართლე ვიქტორ მეტრეველმა მზია ამაღლობელი პატიმრობაში დატოვა, რასაც დარბაზის წამოშლა და საპროტესტო შეძახილები მოჰყვა. მოსამართლემ სწრაფად დატოვა სხდომაადვოკატმა მაია მწარიაშვილმა სხდომის დასრულების შემდეგ განაცხადა, რომ სასამართლომ, ფაქტობრივად წაართვა მზია ამაღლობელს დაცვის უფლება
პროკურორი თორნიკე გოგეშვილი სასამართლო სხდომის დასრულების შემდეგპენიტენციური სისტემის მანქანა, რომლითაც მზია ამაღლობელი რუსთავის ქალთა ციხეში გადაიყვანეს, სასამართლოსთან შეკრებილებმა შეძახილებით გააცილეს – „თავისუფლება მზიას!“
