კომპანია „ბათუმის წყლის“ ინფორმაციით, ხელვაჩაურის მიმართულებით, თოდოგაურის დასახლებაში, რეზერვუარზე მიმდინარე სარეაბილიტაციო სამუშაოების გამო წყალმომარაგება შეიზღუდა პირველი აგვისტოს 17:00 საათამდე.
„წყალმომარაგების შეზღუდვასთან დაკავშირებით შეტყობინებები გაიგზავნა ყველა აბონენტთან. აბონენტებს, რომლებსაც არ მიუღიათ შეტყობინება წყვეტასთან დაკავშირებით, სავარაუდოდ არ წარუდგენიათ ბათუმის წყლისთვის ტელეფონის ნომერი ბაზაში რეგისტრაციისთვის.
ამ დროისთვის წყალმომარაგება სხვა მისამართზე არ არის შეზღუდული“ – აცხადებენ „ბათუმის წყალში“.
კომპანიის პრესსამსახურის ცნობით, თუ კონკრეტულ მისამართს წყალი არ მიეწოდება, აბონენტებს შეუძლიათ დარეკონ კომპანიის ცხელ ხაზზე – 1152 და დააფიქსირონ აბონენტის კოდი და მისამართი, რათა ბათუმის წყლის ავარიული ჯგუფი გავიდეს მისამართზე და შეისწავლოს ვითარება.
