2024 წლის სტატისტიკური მონაცემების თანახმად, საქართველოში უცხო ქვეყნებიდან შემოსული მოქალაქეების მიხედვით, პირველ ადგილზე კვლავ რუსეთის ფედერაციაა.
2024 წელს, იანვრიდან ივნისის ჩათვლით, საქართველოში რუსეთიდან 720 142 მოქალაქე შემოვიდა.
კვარტალების მიხედვით სტატისტიკა ასე ნაწილდება:
- I კვარტალი – 281 504
- II კვარტალი – 438 638
ეს მაჩვენებელი მცირედით ჩამოუვარდება 2023 წლის ამავე პერიოდის მონაცემს, როდესაც საქართველოში რუსეთის ფედერაციიდან 741 909 მოქალაქე შემოვიდა.
რაც შეეხება საქართველოს საზღვრებიდან გასვლის სტატისტიკას, 2024 წელს, იანვრიდან ივნისის ჩათვლით, ქვეყანა დატოვა რუსეთის 709 758-მა მოქალაქემ.
საქართველოში რუსეთის მოქალაქეების მასობრივი შემოსვლა 2022 წლის თებერვლის ბოლოს დაიწყო, მას შემდეგ, რაც რუსეთის ფედერაცია თავს დაესხა უკრაინას და ომი დაიწყო.
სტატისტიკის თანახმად, 2022 წელს საქართველოში შემოვიდა რუსეთის 1 459 541 მოქალაქე და ეს იყო 401-პროცენტიანი ზრდა 2021 წელთან შედარებით.
გასულ, 2023 წელს კი, ოფიციალური სტატისტიკის თანახმად, საქართველოში რუსეთის 1 856 237 მოქალაქე შემოვიდა და 1 887 223 – გავიდა.
სტატისტიკა აჩვენებს, რომ რუსეთის ფედერაციიდან საქართველოში შემომსვლელთა რიცხვი განსაკუთრებით იზრდება ზაფხულში.
_____________
ფოტოზე: ლარსი, საქართველო-რუსეთის სასაზღვრო გამშვები პუნქტი. ფოტო: ევროპის პრესფოტო სააგენტო/ზურაბ ქურციკიძე
ამავე თემაზე:
როგორ ყიდულობენ რუსები სოფლებში მიწებს – რეესტრი „ბათუმელებს“ 12 000 ლარს სთხოვს ინფორმაციაში
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")