შემოსავლების სამსახურის ცნობით, სარფის საბაჟო გამშვებ პუნქტზე მებაჟე ოფიცრებმა არადეკლარირებული ოქროს საზღვარზე კანონდარღვევით შემოტანის 3 ფაქტი აღკვეთეს.
„საქართველოს მოქალაქეების მიმართ, რისკის პროფილისა და ეჭვის საფუძველზე, როგორც ფიზიკური, ასევე კუთვნილი ბარგის დეტალური დათვალიერების შედეგად, არადეკლარირებული ოქროს (საერთო წონა: 159,97 გრამი) ნაკეთობები გამოვლინდა.
არადეკლარირებული საქონლის საერთო საბაჟო ღირებულებამ 22 309,94 ლარი შეადგინა“ – იუწყება შემოსავლების სამსახური.
უწყების ცნობით, საქართველოს საბაჟო კოდექსის 168-ე მუხლის I ნაწილის შესაბამისად, სამართალდამრღვევ მოქალაქეებს, სანქციის სახით, ფულადი ჯარიმა ჯამში, 22 309,94 ლარის ოდენობით განესაზღვრათ.
