საქართველოს ნაკრებმა ჯგუფური ეტაპის ბოლო და გადამწყვეტ შეხვედრაში, ტურნირის ერთ-ერთ ფავორიტი პორტუგალიის ეროვნულ ნაკრები დაამარცხა, ანგარიშით 2:0.
პირველი გოლი პორტუგალიის კარში მატჩის დაწყებისთანავე გაიტანა ხვიჩა კვარაცხელიამ, მეორე გოლის ავტორი კი გიორგი მიქაუტაძე გახდა.
საქართველოსა და პორტუგალიის ნაკრებების შეხვედრა 26 ივნისს, გელზერკინხენში, „ფელტინს არენაზე“ შედგა.
ამ ისტორიული გამარჯვებით საქართველო ევროპის ჩემპიონატზე მერვედფინალში გავიდა.
მომდევნო მატჩი საქართველოს საფეხბურთო ნაკრებს 30 ივნისს აქვს ესპანეთთან.
მოგების შემთხვევაში საქართველო მეოთხედფინალში გადავა, სადაც გერმანიასა და დანიას შორის გამარჯვებულს შეხვდება.
