ბათუმში ვალუტის გადამცვლელს ბრალდებულმა იარაღის მუქარით თანხა მოსთხოვა – შსს

„გამოძიებით დადგინდა, რომ ბრალდებულმა 2024 წლის 17 ივნისს, ბათუმში, ჭავჭავაძის ქუჩაზე მდებარე ვალუტის გადამცვლელ ჯიხურში მყოფ მოლარე-ოპერატორს იარაღის მუქარით თანხა მოსთხოვა, თუმცა განზრახვა სისრულეში ვერ მოიყვანა და შემთხვევის ადგილიდან მიიმალა. ოპერატიულ-სამძებრო ღონისძიებებისა და საგამოძიებო მოქმედებების შედეგად, პოლიციამ გ.მ. ბრალდებულის სახით დააკავა,“ – აღნიშნულია შსს-ს მიერ დღეს, 21 ივნისს გავრცელებულ ინფორმაციაში.

დანაშაული 7 წლამდე ვადით თავისუფლების აღკვეთას ითვალისწინებს.