საქართველოს ნაკრების პირველ თამაშს ევროპის ჩემპიონატზე ხვალ, 18 ივნისს, ბათუმში, ღია სივრცეში დამონტაჟებულ მონიტორთან, სხვებთან ერთად შეგიძლიათ უყუროთ.
ბათუმის მერიის ცნობით, ლედმონიტორები ბათუმის სტადიონთან [„აჭარაბეთ არენა“] და ანბანის კოშკთანაა მოწყობილი.
ხვალ, 18 ივნისს, საქართველოს ნაკრები თურქეთის ნაკრებთან ითამაშებს. მატჩი საღამოს 8-ზე დაიწყება.
ბათუმის მერიის ინფორმაციით, ევროპის ჩემპიონატის ყველა სხვა მატჩის ნახვას აქვე შეძლებთ.
ლედმონიტორები და შესაბამისი ინფრასტრუქტურა ჩემპიონატის დასრულებამდე მითითებულ ადგილებში დარჩება.
