„ბათუმში, გორგასლისა და თაყაიშვილის ქუჩების კვეთში, ტროტუარზე უნებართვო კონსტრუქციის დემონტაჟი ბათუმის მუნიციპალური ინსპექციის მითითების საფუძველზე ხორციელდება“ – მოგვწერეს ბათუმის მერიიდან.
„ბათუმელებს“ აინტერესებდა, ამ მისამართზე ტროტუარზე კაფეს მოწყობის მიზნით მისი რკინისა და შუშის კონსტრუქციით შემოსაზღვრა იყო თუ არა ბათუმის მერიასთან შეთანხმებული.
აქ კაფე რამდენიმე წელია ფუნქციონირებს. გუშინ, 11 ივნისს „ბათუმელებმა“ აქ მიმდინარე სამუშაოები გადაიღო.
ადგილზე არსებული სიტუაციის მიხედვით ტროტუარზე კაფეს მოსაწყობად მეტლახს აგებდნენ, კონსტრუქცია კი პირდაპირ უსინათლოთა ბილიკზე იდგა.
ამავე თემაზე: ბათუმში ტროტუარზე კაფეს მოსაწყობად მეტლახი დააგეს და დაფარეს უსინათლოთა ბილიკიც | ფოტოამბავი
