Batumelebi | 2 ტონა და 790 კგ თხევადი ჰეროინის გადატანისთვის ბრალდებულები სასამართლომ გაამართლა 2 ტონა და 790 კგ თხევადი ჰეროინის გადატანისთვის ბრალდებულები სასამართლომ გაამართლა – Batumelebi
RU | GE  

2 ტონა და 790 კგ თხევადი ჰეროინის გადატანისთვის ბრალდებულები სასამართლომ გაამართლა

 

ცხრა თვის შემდეგ თბილისის საქალაქო სასამართლომ პატიმრობიდან გაათავისუფლა საქართველოს  ერთი და  თურქეთის ერთი მოქალაქე. მათ ბრალად სამ ტონამდე ჰეროინის გადატანა  ედებოდათ.  თბილისის საქალაქო სასამართლომ გადაწყვეტილება რამდენიმე წუთის წინ მიიღო.

 

 

 

 

ერთ-ერთი დაკავებული ევგენი გიორგაძე აჭარაში ცხოვრობს, მისი უფლებების დამცველი ემზარ პაქსაძე “ბათუმელებთან” ამბობს, რომ სასამართლომ ბრალდებულები სრულად გაამართლა.

 

3 ტონა ჰეროინის საქმეში თავდაპირველად სამი ბრალდებული იყო დაკავებული, ერთ-ერთ ბრალდებულს, ტვირთისგადამტანი ავტომანქანის მძღოლს – გურამ ცეცხლაძეს ბრალდება თავად პროკურატურამ მოუხსნა და მის დევნა შეწყვიტა. პატიმრობაში რჩებოდა კიდევ ორი მოქალაქე, დღეს სასამართლომ სწორედ ისინი გაამართლა. ამ საქმეში კიდევ ერთი ბრალდებული – თურქეთის მოქალაქე საქართველოს სამართალდაცავების მიერ იძებნება. 

ნეტგაზეთის მასალების სხვა გამოცემებში გადაბეჭდვის წესი
ნათია როყვა