„ერმაკოვიდან ერმაკოვამდე“ – ფოტოგამოფენა ევროპის მოედანზე [ანონსი]

ბათუმში, დღეს, 20 ოქტობერს, 13 საათზე  ევროპის მოედანზე გაიმართება ფოტოგამოფენა „ერმაკოვიდან ერმაკოვამდე“, რომელიც ბათუმის სახეცვლილებას ასახავს ბოლო ერთი საუკუნის განმავლობაში.

გამოფენის სახელწოდება უკავშირდება ბათუმის ისტორიის ორ პერიოდს, მე-19 საუკუნის ბოლოს, როცა ბათუმში ცნობილი ფოტოგრაფი, დიმიტრი ერმაკოვი ჩამოვიდა და 400-მდე ფოტო გადაიღო ბათუმსა და მის შემოგარენში და ბათუმის ახლანდელი მერის, გიორგი ერმაკოვის მერობის პერიოდს, რომლის მერობის დროსაც ქალაქში არაერთი ისტორიული შენობა დაინგრა.

გამოფენის ორგანიზატორი შოთა გუჯაბიძეა, საზოგადოება „ბათომის“ დამფუძნებელი, რეჟისორი და ფოტოგრაფი.