Batumelebi | უნივერსიტეტს სტიქიით მიყენებული ზიანი არ დაუთვლია უნივერსიტეტს სტიქიით მიყენებული ზიანი არ დაუთვლია – Batumelebi
ნეტგაზეთი • RU

უნივერსიტეტს სტიქიით მიყენებული ზიანი არ დაუთვლია

ძლიერმა ქარმა ბათუმის რუსთაველის უნივერსიტეტის შენობის ნაწილს სახურავი ღამით გადახადა. უნივერსიტეტის ადმინისტრაციის ინფორმაციით, დაზიანებულია სახურავის 1/4. ქარისგან მიყენებული ზარალის ოდენობა კი ჯერ არ დაუთვლიათ.

„ჯერ ისევ სტიქიას ვებრძვით, წვიმა არ წყდება, ამიტომ ზარალის ოდენობა დათვლილი არ არის. სახურავის აღდგენა უნივერსიტეტის შიდა ფინანსური რესურსით მოხდება, თუმცა დიდი ალბათობით საჭირო იქნება თანხის დამატებაც.

უკვე ვესაუბრეთ მთავრობის თავმჯდომარეს და ძალიან მოკლე დროში ელექტრონული ტენდერით მოხდება სამუშაოების შესყიდვა,“-ამბობს „ბათუმელებთან“ საუბარში ნინო დოლიძე, უნივერსიტეტის პრესსამსახურის წარმომადგენელი.

მისივე ინფორმაციით, წვიმის წყალს ზიანი არ მიუყენებია აუდიტორიებისთვის, „რადგან მეხუთე სართულზე განთავსებულია საცავი. ახლა ამ საცავში დაგროვილი წყლის ამოქაჩვა მიმდინარეობს,“-ამბობს ის.

ოფიციალური ინფორმაციით, სახურავის დაზიანებას სასწავლო პროცესის შეჩერება არ გამოუწვევია, გადარჩენილია წიგნადი ფონდიც.

სახურავის დაზიანების გამო, წყალი უნივერსიტეტის საცავში ჩავიდა ფოტო: ბსუ

სახურავის დაზიანების გამო, წყალი უნივერსიტეტის საცავში ჩავიდა
ფოტო: ბსუ

ბსუ

ბსუ

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com