წუხელ ღამით შუახევის მუნიციპალიტეტის სოფლების – ინწკირვეთისა და ნაღვარევის დამაკავშირებელი ხიდი მდინარემ წაიღო. შუახევის მუნიციპალიტეტის გამგებლის, ტარიელ ებრალიძის ინფორმაციით, ხიდის აღდგენა გამოდარებამდე და მდინარის კალაპოტზე წყლის დონის დაკლებამდე ვერ დაიწყება:
„ … ინწკირვეთისა და ნაღვარევის მოსახლეობა ამ წუთას ფაქტობრივად გზის გარეშეა. ღმერთს მადლობა, ახლა იქ ავადმყოფი არ გვყავს. თუ მსგავსი საჭიროება შეგვექმნა, მაშველების დახმარებით გამოვიყვანთ. ავადმყოფი გვყავს იკავრეთაში, სადაც წასულია ტრაქტორი და გადმოიყვანს მას “.
გარდა ამისა, გამგებლის ინფორმაციით, შუახევის სოფლებში დაზიანებულია საგზაო ინფრასტრუქტურა, სოფლებში: ნიგაზეულში, ფურტიოსა და ჯაბნიძეებში ჩამოწვა მეწყერი.
„… ახლა ისევ გავდივარ ლოკაციის ადგილებში“, – ამბობს ტარიელ ებრალიძე.
ამ დროისთვის შუახევში ხუთასამდე აბობენტს ელექტროენერგია არ მიეწოდება.
