დღეს, 2 მარტს, შუახევში, სოფელ ინწკირვეთში 17 წლის ბიჭი ჩამომხრჩვალი იპოვეს. გარდაცვლილი ინწკირვეთის საჯარო სკოლის მე-11 კლასის მოსწავლე იყო.
ინფორმაცია „ბათუმელებს“ ინწკირვეთის საჯარო სკოლის ბუღალტერმა, თემურ ჭაღალიძემ დაუდასტურა:
„წუხელ მოხდა ეს ამბავი. დილით იპოვეს ოჯახის წევრებმა სარდაფში ჩამომხრჩვალი“.
ბიჭს მშობლები გარდაცვლილი ჰყავდა, მას ბებია და ბაბუა ზრდიდა.
სოფელში ამ წუთებში პოლიცია იმყოფება. როგორც შსს-ს პრესსამსახურში გვითხრეს, მომხდარ ფაქტზე გამოძიება 115-ე, თვითმკვლელობამდე მიყვანის მუხლით დაიწყო.
