Batumelebi | 105 მილიონი ლარის ინვესტიცია ჩაქვში 105 მილიონი ლარის ინვესტიცია ჩაქვში – Batumelebi
RU | GE  

105 მილიონი ლარის ინვესტიცია ჩაქვში

 

კომპანია Dreamland Oasis-ი ჩაქვში, სასტუმრო „ოაზისის“ ირგვლივ არსებულ ტერიტორიაზე მასშტაბური პროექტის განხორციელებას გეგმავს. აჭარის ფინანსთა და ეკონომიკის სამინისტროს ინფორმაციით  ინვესტიციის მოცულობა  105 მილიონი ლარია. 

 

 Dreamland Oasis-ის მშენებლობის პროცესი დღეს აჭარის ფინანსთა და ეკონომიკის  მინისტრმა დავით ბალაძემ დაათვალიერა.  

პროექტის მიხედვით 8 ჰექტარზე ორი სასტუმრო კომპლექსი, აპარტოტელები, სხვადასხვა გასართობი ცენტრები, ბოულინგ ცენტრი, რესტორნები, ღია და დახურული კაფეები, აუზები და სხვა ობიექტები განთავსდება.

 

დღეისათვის ჩაქვში ორი 120 ნომრიანი სასტუმრო კომპლექსის მშენებლობა მიმდინარეობს. აქტიურ ფაზაშია ასევე 11 ოთხსართულიანი აპარტოტელის მშენებლობა. აპარტოტელებში სულ 232 აპარტამენტი განთავსდება.

 

პროექტის ფარგლებში 300 ადამიანია დასაქმებული. „Dreamland Oasis“- ის მშენებლობა 2019 წელს დასრულდება.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"