ნეტგაზეთი • RU

პატიმრების ნათესავების აქცია პარლამენტთან

 

დღეს 18 თებერვალს, 12 საათზე პარლამენტის წინ უვადო თავისუფლებააღკვეთილი პატიმრების ნათესავები აქციას გამართავენ, ინფორმაცია ამის შესახებ „ბათუმელებს“  ერთ-ერთი პატიმრის  ოჯახის წევრმა მიაწოდა. აქციას აჭარიდანაც უერთდებიან. სასჯელაღსრულებისა და პრობაციის სამინისტროს    ინფორმაციით, 40 პატიმარი მე-8 დაწესებულებაში, ხოლო 11 პატიმარი მე-6 დაწსებულებაში შიმშილობს.

 

აქცია პარლამენტთან

პატიმარ გიორგი გელაძის ინფორმაციით, დღევანდელო მონაცემებით 60 მსჯავრდებული შიმშილობს. მათ შორის არიან  C ჰეპატიტით,შიდსით, ტუბერკულიზოთ  და განაფტული სკლეროზით დაავადებული ადამიანები.

სად-ის მე-6 და მე-8 დაწესებულებაში პატიმრები 26 იანვრიდან შიმშილობენ. მათი მოთხოვნაა პარლამენტმა გადახედოს 2012 წლის 28 დეკემბრის ამნისტიის კანონს, რომლის თანახმადაც სასჯელი მთლიანად ან ¼ შეეხო ყველა  პატიმარს გარდა უვადო თავისუფლებააღკვეთილებისა.  რაც მათი აზრით დისკრიმინაციულია. 

 

გიორგი გელაძის ინფორმაციით, [რომელიც მერვე დაწესებულებიდან „ბათუმელებს“ ტელეფონით დაუკავშირდა]    გუშინ 17 თებერვალს  დაწესებულებაში ორი პატიმარი   ცუდად გახდა და მათ მოსანახულებლად წითელი ჯვარი და სასაწრაფო დახმარების  ექიმები იყვნენ მისულები.


პატიმრის მიერ მოწოდებული ამ ინფორმაციას   სამინისტროში ნაწილობრივ ადასტურებენ. წითელი ჯვრის თანამშრომლებმა ნამდვილად მოინახულეს გორის ტერაქტის მოწყობის ბრალდებით გასამართლებული გიორგი ზასაევი, იოსებ კოჩიევი და გიორგი ვალიშვილი. სამინისტროს ინფორმაციით,  პატიმრების  ჯანმრთელობის მდგომარეობა სტაბილურია და ისინი ექიმების მეთვალყურეობის ქვეშ იმყოფებიან. მათ დასახმარებლად გამოძახებული არ ყოფილა სასწრაფო დახმარების ექიმები. 


ქუთაისში დაგეგმილ აქციას აჭარიდანაც უერთდებიან. უფლებადაცმველი თამაზ ბაკურიძის ინფორმაციით, აჭარაში სულ 7 ადამიანია ვინც უვადო პატიმრობა აქვს მისჯილი და   პატიმრის ნათესავები მხარდასაჭერად ამ წუთებში ქუთაისში მიემგზავრებიან. 

 

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა