განხილულ საქმეთა თითქმის ნახევარზე – 771 საქმეზე საპროცესო შეთანხმება გაფორმებულა.
რაც შეეხება გასულ წელს სასამართლოში საგამოძიებო ორგანოების შუამდგომლობებს – შარშან სულ 3810 საქმეზე მიმართეს სამართალდამცავებმა სასამართლოს. მათ შორის 1118-ჯერ ითხოვდნენ ჩხრეკაზე შუამდგომლობას. სასამართლოს მათი მოთხოვნის დაკმაყოფილებაზე ძირითადად უარი აქვს ნათქვამი: ჩხრეკაზე თანხმობა სასამართლოს 534 საქმეზე მიუცია.
აჭარაში მოქმედ სამართალდამცველებს შარშან სასამართლოსთვის პირის დაკასაკავებლად ნებართვის მისაღებად 237-ჯერ მიუმართავთ. ამ მიმართულებით სასამართლოს სამართალდამცველების მოთხოვნა ძირითადად გაზიარებული აქვს – 216 პირის დაკავებაზე მიუცია თანხმობა.
შარშან სამართალდამცავებს 280 პირის ქონების დაყადაღება აქვთ მოთხოვნილი. დაკმაყოფილებულია – 266 მოთხოვნა.
ბათუმის საქალაქო სასამართლოს ინფორმაციით, სასამართლოს გვერდის ავლით, ანუ შუამდგომლობის გარეშე სამართალდამცავებს (სავარაუდოდ, გადაუდებელი აუცილებლობით) დაუკავებიათ 704 პირი. მათგან სასამართლოს აღკვეთი ღონისძიება მხოლოდ 315 პირის მიმართ აქვს გამოყენებული.
სამართალდამცავებს გასულ წელს სასამართლოში 719-ჯერ მოუთხოვიათ შუამდგომლობა ბრალდებული პირისთვის გირაოს შეფარდების მოთხოვნით. დაკმაყოფილდა – 346 შუამდგომლობა; სტატისტიკის თანახმად, პროკურატურას 171-ჯერ მოუთხოვია სასამართლოსთვის პატიმრობაში მყოფი პირის საპყრობილეში იქამდე დატოვება, ვიდრე აღნიშნული პირი არ გადაიხდიდა გირაოს თანხას. სასამართლოს ასეთი მოთხოვნა მხოლოდ 159-შემთხვევაში აქვს დაკმაყოფილებული.
რაც შეეხება ადმინისტრაციულ წარმოებას – ამ მიმართულებით 2014 წელს სასამართლოში შესულა 623 საქმე, დასრულებულია 490 საქმე.
სამოქალაქო დავების მიმართულებით კი სასამართლოში შესულია 2889 საქმე, მათ შორის შარშანვე დასრულებულა – 2810 საქმე.
