რამდენი პირველკლასელი მიიღეს ბათუმის საჯარო სკოლებმა

2017 სასწავლო წლისთვის ბათუმის საჯარო სკოლებში 2 431 პირველკლასელი შევიდა, რაც წინა წელთან შედარებით 258-ით ნაკლებია.

ბათუმის საჯარო სკოლებიდან ყველაზე ნაკლები, 16-16 პირველკლასელი მიიღო 23-ე და 27-ე საჯარო სკოლებმა, 21 პირველკლასელი ჰყავს ბათუმის 31-ე საჯარო სკოლას, ხოლო 25 პირველკლასელი მე-13 საჯარო სკოლას.

დანარჩენ სკოლებში პირველკლასელთა საშუალო რაოდენობა 25-იდან 80 მოსწავლემდე მერყეობს.

პირველკლასელთა რაოდენობის მიხედვით, წელს მესამე საჯარო სკოლა გამოირჩევა. წელს სკოლამ 167 მოსწავლე მიიღო. შემდეგ მოდის ბათუმის პირველი საჯარო სკოლა 161 პირველკლასელით, 147-147 პირველკლასელი ჰყავთ მეორე და მეშვიდე საჯარო სკოლებს.

კერძო სკოლებში კი წელს 688 პირველკლასელი შევიდა.