სიახლეები

მერობის კანდიდატები შუახევში

22.09.2017 • 1949
მერობის კანდიდატები შუახევში

შუახევის მუნიციპალიტეტში მერობისთვის ხუთი კანდიდატი იბრძოლებს. მერობის კანდიდატები „ქართულმა ოცნებამ“, „ნაციონალურმა მოძრაობამ“, „ევროპულმა საქართველომ“,  „პატრიოტთა ალიანსმა“ და საარჩევნო ბლოკმა – „დიმიტრი ლორთქიფანიძე, კახა კუკავა დემოკრატიული მოძრაობა თავისუფალი საქართელომ“ წარადგინა.

შუახევის მერობისთვის „ქართული ოცნების“ სახელით ყოფილი ძალოვანი, შსს – ს აჭარის პოლიციის დეპარტამენტის დირექტორის ყოფილი მოადგილე, ფრიდონ ფუტკარაძე იბრძოლებს.

„ნაციონალურმა მოძრაობამ“ შუახევის მერობის კანდიდატად საქართველოს მერვე მოწვევის პარლამენტის წევრი და შუახევის ყოფილი გამგებელი, ომარ მეგრელიძე დაასახელა.

„ევროპულმა საქართველომ“ შუახევის მერობის კანდიდატად მირზა თურმანიძე წარადგინა.

საარჩევნო ბლოკმა – „დიმიტრი ლორთქიფანიძე, კახა კუკავა დემოკრატიული მოძრაობა თავისუფალი საქართველო“ – შუახევის მოქმედი საკრებულოს წევრი,  რამინ ზოიძის კანდიდატურა წარადგინა.  რამინ ზოიძე შუახევის საკრებულოში 2014 წელს „ბურჯანაძე დემოკრატების“ კვოტით შევიდა.

„პატრიოტთა ალიანსმა“ კი რევაზ ზოიძის კანდიდატურა წარდგინა.

საარჩევნო ოლქებში მერობის კანდიდატების წარდგენის ვადა 21 სექტემბერს ამოიწურა. აჭარის მთის მუნიციპალიტეტებიდან ქედაში მერობისთვის – ხუთი,  ხოლო ხულოში ოთხი კანდიდატი იბრძოლებს. მერობის კანდიდატები აქ საინიციატივო ჯგუფებს არ წარუდგენიათ.

აჭარის მთის მუნიციპალიტეტში პარტიების მიერ დასახელებული  ყველა კანდიდატი კაცია, მერობის კანდიდატად ქალი არც ერთ პარტიას არ დაუსახელებია.

გადაბეჭდვის წესი


ასევე: