Batumelebi | „მერიამ სანიაღვრე არხი სანახევროდ გაწმინდა“ „მერიამ სანიაღვრე არხი სანახევროდ გაწმინდა“ – Batumelebi
RU | GE  

„მერიამ სანიაღვრე არხი სანახევროდ გაწმინდა“

 

 

 

არასამთავრობო ორგანიზაცია „სამოქალაქო მონიტორინგის“  ხელმძღვანელმა დავით ბერიძემ დღეს „დემოკრატიული ჩართულობის ცენტრში“  ბათუმში, ხახულის ქუჩაზე არსებულ სანიაღვრე არხთან დაკავშირებით განცხადება გააკეთა.  

„გასულ წელს ბათუმის მერიამ ხახულის ქუჩაზე არსებული არხის გაწმენდა დაიწყო, თუმცა არხი მხოლოდ სანახევროდ იქნა გაწმენდილი.  არხი ბოლო რამდენიმე წელია არ გაწმენდილა, რის გამოც ძლიერი წვიმის დროს მოსახლეობას პრობლემები ექმნება“.

დავით ბერიძის თქმით, სანიაღვრე არხთან დაკავშირებით მერიის კეთილმოწყობის სამსახურმა არსებულ კითხვებზე პასუხი უნდა გასცეს: „არხის არც დასაწყისი ნაწილი გაწმინდეს და არც ბოლო, მხოლოდ შუაში, ძალიან პატარა მონაკვეთი იქნა გაწმენდილი.  თუკი იყო ამისთვის თანხა გამოყოფილი, რატომ არ მოხდა არხის სრულყოფილი გაწმენდა? რამდენი დაიხარჯა ამაზე,  ინფორმაცია არ მომაწოდეს“ _  განაცხადა ორგანიზაციის ხელმძღვანელმა.

დავით ბერიძის თქმით, ხახულის ქუჩაზე მცხოვრები მოსახლეობა სანიაღვრე არხის გამო უახლოეს დღეებში მერიის წინ აქციის მოწყობას გეგმავს.

 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე