Batumelebi | არჩილ ხაბაძე: მედრესე ანგისაში აშენდება არჩილ ხაბაძე: მედრესე ანგისაში აშენდება – Batumelebi
RU | GE  

არჩილ ხაბაძე: მედრესე ანგისაში აშენდება

 

აჭარის მთავრობის თავმჯდომარის არჩილ ხაბაძის ინფორმაციით მედრესეს განთავსება ანგისის დასახლებაში, ყოფილი იტალიური სკოლის შენობაში იგეგმება. ეს შენობა სამუფთოს საკუთრებაში გადაეცემა.

„დაახლოებით სექტემბერში სამუფთოსა და რელიგიური ლიდერების მიერ შემოვიდა მომართვა პრემიერ-მინისტრის სახელზე, სადაც რამდენიმე პუნქტი იყო ჩამოთვლილი. ლიდერებმა და მრევლმა სწორად ლოცვისთვის მოითხოვეს ორთაჯამეს იმ ტერიტორიის გამოთავისუფლება, სადაც განთავსებული იყო ადმინისტრაციული შენობა, რომელიც შეიძლება გამოყენებული იქნას ლოცვისთვის. ჩვენ ვამბობდით, რომ პარალელურად უნდა აშენებულიყო სამი მედრესე: ერთი ბათუმში და ორი თბილისში.

პრემიერის ინიციატივით რელიგიგიურ საკითხთა სახელმწიფო სააგენტო ამ ყველაფერს დააკმაყოფილებს. თვის ბოლომდე შევიძენთ შენობას, სადაც ადმინისტრაცია და რეზიდენცია განთავსდება. პარალელურად, ორთაჯამეს ტერიტორიაზე ფართი გამოთავისუფლდება და დაიწყება შენობის რეაბილიტაცია. ვფიქრობ, დამატებით 500-დან 1000-მდე ადამიანი განთავსდება შენობაში.

მედრესესთან დაკავშირებით უკვე მიმდინარეობს შენობის რეგისტრაცია, სამმართველოს კი უახლოეს პერიოდში საკუთრებაში გადაეცემა შესაბამისი ფართი სამუფთოს განსათავსებლად. მედრესე განთავსდება ანგისის ქუჩაზე # 41, შენობაში, სადაც ადრე იტალიური სკოლა იყო“ – განაცხადა არჩილ ხაბაძემ.

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე