Batumelebi | ნახევარი მილიონი ლარი ბათუმში ორმოების ამოსავსებად ნახევარი მილიონი ლარი ბათუმში ორმოების ამოსავსებად – Batumelebi
RU | GE  

ნახევარი მილიონი ლარი ბათუმში ორმოების ამოსავსებად

 

ბათუმში არაასფალტირებული ქუჩების სარემონტო სამუშაოების შესყიდვის მიზნით ქალაქის მერიამ 564 995 ლარიანი ტენდერი გამოაცხადა. კომისია გამარჯვებულს 20 იანვარს დაასახელებს.

 

ბათუმი, ერისთავის ქუჩა. [ფოტო: თედო ჯორბენაძე]

 

2015 წლისთვის ბათუმში დაგეგმილია არაასფალტირებული ქუჩების შეკეთება ქვიშა-ხრეშოვანი ნარევით (ჯამში 114 335 კვ/მ ფართობის) და ქვიშა-ხრეშოვანი ნარევის გარეშე (76 507 კვ/მ). ასევე დაგეგმილია არაასფალტირებულ ქუჩებსა და გზებზე უვარგისი გრუნტის ამოღება და ბუნებრივი ქვიშა-ხრეშოვანი ნარევით შევსება-დატკეპნით (მთლიანი მოცულობა 455 კუბ/მეტრი).

 

პრეტენდენტმა წლის დასაწყისში ქ. ბათუმის მერიის მიერ მითითებული ქუჩების მოხრეშვა-მოშანდაგების შემდეგ მთელი წლის განმავლობაში უნდა უზრუნველყოს აღნიშნული ქუჩების გამართულ მდგომარეობაში ყოფნა. ასევე ჩაატაროს არაასფალტირებულ ქუჩებზე ორმოების კიდეების გაფხვიერების და დამუშავების სამუშაოები; მოახდინოს ბალასტით ორმოების შევსება, გასწორება-დატკეპნა, საჭიროების შემთხვევაში ზემოდან ქვიშა-ღორღოვანი ნარევით მოსწორება, შემდეგი ტექნოლოგიური პირობების დაცვით:

 

ა) ღრმა ორმოებში პირველად უნდა ჩაიყაროს ქვიშა-ხრეშოვანი (ბალასტი) ნარევი

შემდგომი დატკეპნით და ზემოდან უნდა მოიყაროს 0-40 ფრაქციის ქვიშა-ღორღოვანი ნარევი. მოხდეს ხელით ან მექანიზირებული წესით გასწორება;

 

ბ) არაასფალტირებული საშუალო სიღრმის ორმოების მქონე ქუჩები ჯერ დამუშავე-

ბული უნდა იყოს გრეიდერის საშუალებით და შემდგომ უნდა განხორციელდეს 0-40

ფრაქციის ქვიშა-ღორღოვანი ნარევით მოშანდაგება;

 

გ) რიგ შემთხვევებში ქუჩები უნდა მოსწორდეს მექანიზირებული წესით (გრეიდე-

რით) ქვიშა-ღორღოვანი ნარევის გარეშე;

 

დ) არაასფალტირებულ ქუჩებსა და გზებზე უნდა მოხდეს უვარგისი (სუსტი) გრუნ-

ტის დამუშავება 0,25 კბ.მ. ტევადობის ჩამჩის მქონე ექსკავატორით მისი შემდგომი დატვირთვით ავტოთვითმცლელზე, გატანა 5 კმ. მანძილზე და შევსება ბუნებრივი ქვიშახრეშოვანი ნარევით.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"